|
ലുലു ഗ്രൂപ്പ് ചെയര്മാന് എം എ യൂസഫലിയെ അബുദാബി ചേംബര് ഓഫ് കൊമേഴ്സ് ആന്ഡ് ഇന്ഡസ്ട്രി ഡയറക്ടര് ബോര്ഡ് വൈസ് ചെയര്മാനായി നിയമിച്ചു. അബുദാബി കിരീടാവകാശിയും യുഎഇ സായുധ സേനാ ഡെപ്യൂട്ടി സുപ്രീം കമാന്ഡറുമായ ഷേയ്ഖ് മുഹമ്മദ് ബിന് സായിദ് ആല് നഹ്യാനാണ് ചേംബര് ഡയറക്ടര് ബോര്ഡ്? പുനഃസംഘടിപ്പിച്ച്? ഉത്തരവിറക്കിയത്?. ഡയറക്ടര് ബോര്ഡിലുള്ള ഏക ഇന്ത്യക്കാരനാണ്? യൂസഫലി. അബുദാബിയിലെ വാണിജ്യ വ്യവസായ രംഗത്തു നിന്നുള്ള 29 പ്രമുഖരെയാണ് പുതിയ ഡയറക്ടര് ബോര്ഡില് നിയമിച്ചത്.
അബ്?ദുല്ല മുഹമ്മദ് അല് മസ്റോയിയാണ് ഡയറക്ടര് ബോര്ഡ് ചെയര്മാന്. അലി ബിന് ഹര്മാല് അല് ദാഹിരിയെ വൈസ് ചെയര്മാനായി നിയമിച്ചു. മസൂദ് റഹ്മ അല് മസൂദിനെ ട്രഷററായും സയ്യിദ് ഗുംറാന് അല് റിമൈത്തിയെ ഡെപ്യൂട്ടി ട്രഷററായും നിയമിച്ചിട്ടുണ്ട്?.
വിനയത്തോടെയും അഭിമാനത്തോടെയുമാണ് അബൂദബി നിയമനത്തെ കാണുന്നതെന്ന് നിയമനത്തിന് പിന്നാലെ എം എ യൂസഫലി പ്രതികരിച്ചു. ''ദീര്ഘദര്ശികളായ ഭരണാധികാരികളോട് നന്ദി രേഖപ്പെടുത്തുന്നു. അര്പ്പിതമായ ഉത്തരവാദിത്തം നിറവേറ്റാന് പ്രയത്നിക്കും. യുഎഇയുടെയും ഇന്ത്യയുടെയും സാമ്പത്തിക ഉന്നമനത്തിനായി ഇനിയും പ്രവര്ത്തിക്കും''- യൂസഫലി കൂട്ടിച്ചേര്ത്തു.
അബുദാബിയുടെ വാണിജ്യ വ്യവസായ രംഗത്ത് ഏറെ പ്രാധാന്യമുള്ള സ്ഥാപനമാണ് അബുദാബി ചേംബര് ഓഫ് കൊമേഴ്സ് ആന്ഡ് ഇന്ഡസ്ട്രി. അബുദാബിയിലെ എല്ലാ വാണിജ്യ വ്യവസായ സ്ഥാപനങ്ങളും അംഗങ്ങളായ അബുദാബി ചേംബര് ഓഫ് കോമേഴ്സ് ഗവണ്മെന്റിനും വാണിജ്യ സമൂഹത്തിനും ഇടയില് ചാലകശക്തിയായി പ്രവര്ത്തിക്കുന്ന സര്ക്കാര് സ്ഥാപനമാണ്. അബുദാബിയില് പ്രവര്ത്തിക്കുന്ന ഏതൊരു സ്ഥാപനത്തിനും ചേംബറി?ന്റെ അനുമതി ആവശ്യമാണ്. |
