|
സ്ത്രീധന പീഡനത്തെത്തുടര്ന്ന് ആയുര്വേദ മെഡിക്കല് വിദ്യാര്ത്ഥിനി വിസ്മയ ജീവനൊടുക്കിയ കേസിലെ പ്രതി കിരണ് കുമാറിന് പരോള്. 30 ദിവസത്തെ പരോളാണ് ജയില് വകുപ്പ് അനുവദിച്ചിരിക്കുന്നത്. ആദ്യം നല്കിയ അപേക്ഷയില് പൊലീസ് റിപ്പോര്ട്ടും പ്രൊബേഷന് റിപ്പോര്ട്ടും കിരണിന് എതിരായിരുന്നു. എന്നാല് രണ്ടാമത് നല്കിയ അപേക്ഷയില് പ്രൊബേഷന് റിപ്പോര്ട്ട് അനുകൂലമായും പൊലീസ് റിപ്പോര്ട്ട് പ്രതികൂലമായും വന്നു. പിന്നീട് അപേക്ഷ ജയില് മേധാവി പരിഗണിക്കുകയും 30 ദിവസത്തെ പരോള് അനുവദിക്കുകയായിരുന്നു. കേസില് പത്ത് വര്ഷത്തെ തടവാണ് കിരണിന് കൊല്ലം ഒന്നാം അഡീഷണല് സെഷന്സ് കോടതി വിധിച്ചത്. കടുത്ത നിബന്ധനകളോടെയാണ് കിരണിന് പരോള് അനുവദിച്ചിരിക്കുന്നത്. കേസിലെ സാക്ഷികളെ കാണാന് പാടില്ല, വിസ്മയയുടെ വീടിന്റെ പരിസരത്ത് പോകാന് പാടില്ല തുടങ്ങിയ നിബന്ധനങ്ങളോടെയാണ് പരോള്. |
