|
യാത്രക്കാരില് നിന്ന് അമിത ടിക്കറ്റ് നിരക്ക് ഈടാക്കുന്നതില് വിമാനക്കമ്പനികള്ക്കെതിരെ രൂക്ഷവിമര്ശനവുമായി സുപ്രീംകോടതി. നിയമങ്ങള് പാലിച്ചില്ലെങ്കില് സര്വീസുകള് നിര്ത്തിവെപ്പിക്കുമെന്ന് സുപ്രീംകോടതി താകീത് നല്കി. സ്വകാര്യ വിമാനക്കമ്പനികള് തോന്നുംപടി നിരക്ക് വര്ധിപ്പിക്കുന്നതിനെതിരായ ഹര്ജി പരിഗണിക്കവെയാണ് സുപ്രീം കോടതിയുടെ പരാമര്ശം. ?
കേന്ദ്ര സര്ക്കാര് മാര്ഗ്ഗരേഖകള് പോലും വിമാനക്കമ്പനികള് പാലിക്കുന്നില്ലെന്ന് ഹര്ജിക്കാരന് കോടതിയില് ചൂണ്ടിക്കാട്ടി. എന്നാല് വിമാന നിരക്ക് നിയന്ത്രണത്തിനുള്ള പുതിയ മാര്ഗ്ഗരേഖകള് അന്തിമ ഘട്ടത്തിലാണെന്ന് കേന്ദ്ര സര്ക്കാര് കോടതിയെ അറിയിച്ചു. ?ഹര്ജി സെപ്റ്റംബര് ഏഴിന് സുപ്രീം കോടതി വീണ്ടും പരിഗണിക്കും. |
