|
കണ്ണൂര് ജില്ലാ സമ്മേളനം ഏകകണ്ഠേനെയാണ് എം വി ജയരാജനെ വീണ്ടും ജില്ലാ സെക്രട്ടറിയായി തെരഞ്ഞെടുത്തത്.
2019 ല് അന്നത്തെ ജില്ലാ സെക്രട്ടറി ആയിരുന്ന പി ജയരാജന് വടകര മണ്ഡലത്തില് എല്ഡിഎഫ് സ്ഥാനാര്ത്ഥിയായ സാഹചര്യത്തിലാണ് എം വി ജയരാജന് ജില്ലാ സെക്രട്ടറി പദവിയിലെത്തിയത്.
എടക്കാട് മണ്ഡലത്തില്നിന്ന് രണ്ടു തവണ നിയമസഭയിലേക്ക് തെരഞ്ഞെടുക്കപ്പെട്ടിട്ടുണ്ട്. കഴിഞ്ഞ എല്ഡിഎഫ് ഭരണത്തില് മുഖ്യമന്ത്രിയുടെ പ്രൈവറ്റ് സെക്രട്ടറിയായിരുന്നു.
എസ്എഫ്ഐ കണ്ണൂര് ജില്ലാ പ്രസിഡന്റ്, സംസ്ഥാന ജോയിന്റ് സെക്രട്ടറി, ഡിവൈഎഫ്ഐ ബ്ലോക്ക് സെക്രട്ടറി, ജില്ലാ സെക്രട്ടറി, സംസ്ഥാന സെക്രട്ടറി, അഖിലേന്ത്യാ ജോയിന്റ് സെക്രട്ടറി, എന്നി പദവികളില് പ്രവര്ത്തിച്ചിട്ടുണ്ട്.നിലവില് സിഐടിയു സംസ്ഥാന കമ്മിറ്റി അംഗവും കേന്ദ്ര പ്രവര്ത്തകസമിതി അംഗവുമാണ്. |
