|
ബജറ്റ് പ്രഖ്യാപനങ്ങള്ക്ക് പിന്നാലെ സംസ്ഥാന സര്ക്കാരിനെ രൂക്ഷമായി വിമര്ശിച്ച് വി.ഡി. സതീശന്. ധനപ്രതിസന്ധിയുടെ പേരില് സര്ക്കാര് നികുതിക്കൊള്ള നടത്തുന്നതായി സതീശന് കുറ്റപ്പെടുത്തി. വിലക്കയറ്റം രൂക്ഷമായ സാഹചര്യത്തില് ജനത്തെ കൂടുതല് പ്രയാസത്തിലാക്കി പെട്രോളിനും ഡീസലിനും സെസ് പിരിക്കുന്നു.
നികുതി വര്ധനക്കെതിരെ യുഡിഎഫ് പ്രത്യക്ഷസമരത്തിന് ഇറങ്ങുമെന്നും വി.ഡി സതീശന് വ്യക്തമാക്കി. യാതൊരു പഠനത്തിന്റെ അടിസ്ഥാനവുമില്ലാത്തയുള്ള നികുതി വര്ദ്ധനവാണ് ബജറ്റിലുണ്ടായത്. സാമൂഹിക സുരക്ഷാ പെന്ഷന് വര്ധിപ്പിക്കാതെയാണ് സെസ് ഏര്പ്പെടുത്തുന്നത്. ബജറ്റിലെ പ്രഖ്യാപനങ്ങള്ക്ക് യാതൊരു പ്രസക്തിയുമില്ല. പല പ്രഖ്യാപനങ്ങളും ഈ ബജറ്റിലും ആവര്ത്തിക്കപ്പെട്ടെന്ന് സതീശന് കുറ്റപ്പെടുത്തി. |
