പ്രാദേശിക തിരഞ്ഞെടുപ്പിനു പുറകെ കൗണ്സില് തിരഞ്ഞെടുപ്പിലും ലേബര് പാര്ട്ടിക്ക് വന് മുന്നേറ്റം. ഇതുകൂടാതെ, ബ്ലാക്ക്പൂള് സൗത്തിലെ ഉപതെരഞ്ഞെടുപ്പിലും ലേബര് പാര്ട്ടി വന് ഭൂരിപക്ഷത്തോടെ അട്ടിമറി വിജയം നേടി. പ്രധാനമന്ത്രി പ്രതിനിധീകരിക്കുന്ന കണ്സര്വേറ്റീവുകള് വന് തിരിച്ചടിയാണ് നേരിടുന്നത്. ഇപ്പോഴത്തെ തിരിച്ചടിയുടെ ഉത്തരവാദിത്തം ഏറ്റെടുത്ത് പ്രധാനമന്ത്രി പദം റിഷി സുനാക് രാജിവയ്ക്കില്ലെന്നാണ് രാഷ്ട്രീയ നിരീക്ഷകരുടെ വിലയിരുത്തല്.
കൗണ്സില് തെരഞ്ഞെടുപ്പിലെ തിരിച്ചടി പൊതു തെരഞ്ഞെടുപ്പിലും പ്രതിഫലിക്കുമെന്നാണ് വിലയിരുത്തല് . നേതൃമാറ്റമുണ്ടാകുമെന്ന് റിപ്പോര്ട്ടുണ്ടായിരുന്നെങ്കിലും നിലവില് രണ്ട് എംപിമാര് മാത്രമാണ് നേതൃമാറ്റം ആവശ്യപ്പെടുന്നത്.
ടീസ് വാലീ മേയര് തെരഞ്ഞെടുപ്പില് ബെന് ഹൗച്ചന് വിജയിച്ചത് വിമത ഭീഷണിയ്ക്ക് തിരിച്ചടിയായി വോട്ടില് വന് കുറവുണ്ടായെന്നത് പക്ഷെ ചര്ച്ചയാവുകയും ചെയ്തു.
കണ്സര്വേറ്റീവ് പാര്ട്ടിയുടെ സിറ്റിങ് സീറ്റായ ബ്ലാക്ക്പൂള് സൗത്തില് 58.9% വോട്ടു ശതമാനമാണ് ലേബര് പാര്ട്ടിയുടെ സ്ഥാനാര്ത്ഥി ക്രിസ് വെബ് നേടിയത്. എന്നാല് കണ്സര്വേറ്റീവ് പാര്ട്ടിയുടെ സ്ഥാനാര്ത്ഥിയായിരുന്ന ഡേവിഡ് ജോണ്സന് 17. 5 ശതമാനം വോട്ട് നേടാനെ കഴിഞ്ഞുള്ളൂ.
ബ്രക്സിറ്റിനോട് ബന്ധപ്പെട്ട് 2018-ല് രൂപീകൃതമായ വലതുപക്ഷ പാര്ട്ടിയായ റീഫോം യുകെയുടെ സ്ഥാനാര്ത്ഥിയായിരുന്ന മാര്ക്ക് ബച്ചര് 16.9 ശതമാനം വോട്ട് ആണ് ഇവിടെ നേടിയത്. ടോറി പാര്ട്ടിക്ക് കിട്ടേണ്ട വോട്ട് വിഹിതം റീഫോം യുകെ കൈക്കലാക്കിയതായാണ് രാഷ്ട്രീയ നിരീക്ഷകര് വിലയിരുത്തുന്നത്. കഴിഞ്ഞ പ്രാവശ്യത്തെ തിരഞ്ഞെടുപ്പുമായി താരതമ്യം ചെയ്യുമ്പോള് വോട്ട് വിഹിതത്തില് 32. 1 ശതമാനം കുറവാണ് ടോറി പാര്ട്ടിക്ക് ഉണ്ടായത്. |