ലണ്ടന്‍: ഇന്ത്യന്‍ ബിരുദധാരികള്‍ക്ക് ആധിപത്യമുള്ള ഒരു പോസ്റ്റ്-സ്റ്റഡി വീസ പദ്ധതി യുകെ സര്‍വകലാശാലകളെ സാമ്പത്തിക പ്രതിസന്ധിയില്‍ നിന്ന് കരകയറാനും ഗവേഷണ അവസരങ്ങള്‍ വിപുലീകരിക്കാനും സഹായിക്കുന്നുവെന്ന് ബ്രിട്ടിഷ് സര്‍ക്കാര്‍ പുറത്തിറക്കിയ റിപ്പോര്‍ട്ടില്‍ വെളിപ്പെടുന്നു. 2021 ജൂലൈയില്‍ അവതരിപ്പിച്ച ഗ്രാജ്വേറ്റ് റൂട്ട് വീസ രാജ്യാന്തര വിദ്യാര്‍ഥികള്‍ക്ക് അവരുടെ പഠനം പൂര്‍ത്തിയാക്കിയതിന് ശേഷം രണ്ട് വര്‍ഷം വരെ (പിഎച്ച്ഡി ബിരുദധാരികള്‍ക്ക് മൂന്ന് വര്‍ഷം) യുകെയില്‍ തുടരാന്‍ അനുവദിക്കുന്നു. യുകെ സര്‍ക്കാര്‍ ഗ്രാജ്വേറ്റ് റൂട്ട് വീസ പുനഃപരിശോധിക്കാന്‍ തീരുമാനിച്ചത് രാജ്യാന്തര വിദ്യാര്‍ഥി സമൂഹത്തില്‍ ആശങ്കയുണ്ടാക്കിരുന്നു. വീസ പ്രോഗ്രാമിന്റെ അനിശ്ചിതത്വം മൂലം യുകെ സര്‍വകലാശാലകളിലേക്കുള്ള അപേക്ഷകളുടെ എണ്ണത്തില്‍ കുറവുണ്ടായതായും റിപ്പോര്‍ട്ട് ചെയ്യപ്പെട്ടിട്ടുണ്ട്. പുതിയ ഗ്രാജ്വേറ്റ് റൂട്ട് വീസ വേഗത്തില്‍ വിലയിരുത്താന്‍ യുകെ ആഭ്യന്തര സെക്രട്ടറി ജയിംസ് ക്ലെവര്‍ലി സ്വതന്ത്ര മൈഗ്രേഷന്‍ അഡൈ്വസറി കമ്മിറ്റിയെ (MAC) ചുമതലപ്പെടുത്തി. ഏറ്റവും മികച്ചതും പ്രതിഭാധനരുമായ രാജ്യാന്തര വിദ്യാര്‍ഥികളെ യുകെയില്‍ പഠിക്കാന്‍ ആകര്‍ഷിക്കുന്നതിനായി സര്‍ക്കാര്‍ വീസ പ്രോഗ്രാം തുടരണമെന്ന് കമ്മിറ്റി റിപ്പോര്‍ട്ട് നിര്‍ദ്ദേശിച്ചു.

കമ്മിറ്റി റിപ്പോര്‍ട്ട് പ്രകാരം, എല്ലാ ഗ്രാജ്വേറ്റ് റൂട്ട് വീസകളും 75% അഞ്ച് രാജ്യത്തില്‍ നിന്നുള്ളവരാണ് കരസ്ഥമാക്കുന്നത്. അതില്‍ 40% ഇന്ത്യയില്‍ നിന്നുള്ളവരാണ്. വിദ്യാര്‍ഥി വീസകളുടെ (26%) അനുപാതവുമായി താരതമ്യം ചെയ്യുമ്പോള്‍ ഗ്രാജ്വേറ്റ് റൂട്ട് വീസകളില്‍ ഇന്ത്യന്‍ പൗരന്മാരുടെ ഉയര്‍ന്ന അനുപാതം (42%) ശ്രദ്ധേയമാണ്. ഗ്രാജ്വേറ്റ് വീസകളില്‍ 10% മാത്രമാണുള്ള ചൈനീസ് പൗരന്മാരുടെ എണ്ണം. വിദ്യാര്‍ഥി വീസകളില്‍ ഇത് 25% വരെയാണ്. നൈജീരിയന്‍ പൗരന്മാരാണ് ഏറ്റവും കൂടുതല്‍ ആശ്രിതരെ (അതില്‍ പകുതിയും കുട്ടികള്‍) ഗ്രാജ്വേറ്റ് റൂട്ട് വീസയില്‍ കൊണ്ടുവരാന്‍ സാധ്യത കല്‍പ്പിക്കപ്പെടുന്നവര്‍. ഗ്രാജ്വേറ്റ് റൂട്ട് അവതരിപ്പിച്ചതിന് ശേഷം അനുവദിച്ച ഗ്രാജ്വേറ്റ് വീസകളുടെ എണ്ണത്തില്‍ ഗണ്യമായ വര്‍ധനവ് രേഖപ്പെടുത്തിയിട്ടുണ്ട്. 2023-ല്‍, 114,000 പ്രധാന അപേക്ഷകര്‍ക്കും 30,000 ആശ്രിതര്‍ക്കും ഗ്രാജുവേറ്റ് വീസകള്‍ അനുവദിച്ചു. ഈ വീസകളുടെ ഭൂരിഭാഗവും നാല് രാജ്യങ്ങളില്‍ നിന്നുള്ളവരെ കേന്ദ്രീകരിച്ചിരിക്കുന്നു. ഇന്ത്യ, നൈജീരിയ, ചൈന, പാക്കിസ്ഥാന്‍ എന്നിവിടങ്ങളില്‍ നിന്നുള്ള വിദ്യാര്‍ഥികള്‍ മൊത്തം ഗ്രാജ്വേറ്റ് വീസകളുടെയും 70% വരും, അതില്‍ 40% ഇന്ത്യയില്‍ നിന്നുള്ളവരാണ്.

വിദ്യാര്‍ഥി വീസ വിഭാഗത്തില്‍, ഈ റൂട്ടിലേക്ക് തുടരാന്‍ അനുവദിക്കുന്ന ഏറ്റവും വലിയ വിദ്യാര്‍ഥി ഗ്രൂപ്പ് ഇന്ത്യന്‍ പൗരന്മാരാണ്, അവര്‍ കഴിഞ്ഞ വര്‍ഷത്തെ വിദ്യാര്‍ഥികളുടെ 43% വരും. അതേസമയം, ഇത്തവണ ഇന്ത്യയില്‍ നിന്നുള്ള അപേക്ഷകളുടെ എണ്ണം മുന്‍വര്‍ഷത്തെ അപേക്ഷിച്ച് 4% കുറഞ്ഞ് 8,770 ആയി. യുകെയില്‍ പഠിക്കാന്‍ ആഗ്രഹിക്കുന്ന രാജ്യാന്തര വിദ്യാര്‍ഥികള്‍ക്ക് രണ്ട് പ്രധാന വീസ ഓപ്ഷനുകള്‍ ലഭ്യമാണ്: വിദ്യാര്‍ഥി റൂട്ട് വീസയും ഗ്രാജ്വേറ്റ് റൂട്ട് വീസയും. വിദ്യാര്‍ഥി റൂട്ട് വീസ യുകെയില്‍ ഏതെങ്കിലും അംഗീകൃത സ്ഥാപനത്തില്‍ ബിരുദ, ബിരുദാനന്തര ബിരുദം അല്ലെങ്കില്‍ തൊഴില്‍ പരിശീലനം നേടാന്‍ ആഗ്രഹിക്കുന്ന വിദ്യാര്‍ഥികള്‍ക്ക് അനുയോജ്യമാണ്. ഈ വീസയ്ക്ക് £490 ഫീസ് ഈടാക്കും. ഗ്രാജ്വേറ്റ് റൂട്ട് വീസ യുകെയില്‍ നിന്ന് ബിരുദം നേടിയ വിദ്യാര്‍ഥികള്‍ക്ക് രണ്ട് വര്‍ഷം വരെ യുകെയില്‍ തുടരാനും ജോലി തേടാനും അവസരം നല്‍കുന്നു. ഈ വീസയ്ക്ക് £822 ഫീസ് ഈടാക്കും, കൂടാതെ £776 ഹെല്‍ത്ത് സര്‍ചാര്‍ജും വാര്‍ഷിക £1,035 ഗ്രാജ്വേറ്റ് റൂട്ട് ഫീസും ഉള്‍പ്പെടുന്നു

വിദ്യാര്‍ഥി വീസ കാലാവധി കഴിയുന്നതിന് മുമ്പ്, സാധാരണയായി നാല് മാസത്തെ പഠനം പൂര്‍ത്തിയാക്കിയതിന് ശേഷം, ഗ്രാജ്വേറ്റ് റൂട്ട് വീസയ്ക്ക് അപേക്ഷിക്കണം. 2024 ജനുവരി മുതല്‍, നിയുക്ത ഗവേഷണ പരിപാടികളില്‍ പങ്കെടുക്കുന്നവരെ ഒഴികെ, രാജ്യാന്തര വിദ്യാര്‍ഥികള്‍ക്ക് അവരുടെ യുകെ വിദ്യാര്‍ഥി വീസയില്‍ ആശ്രിതരെ കൊണ്ടുവരാന്‍ കഴിയില്ല. കൂടാതെ, വിദ്യാര്‍ഥികള്‍ക്ക് പഠനം പൂര്‍ത്തിയാക്കുന്നതിന് മുമ്പ് തൊഴില്‍ വീസയിലേക്ക് മാറാന്‍ കഴിയില്ല. 2021 ജൂലൈയില്‍ ഗ്രാജ്വേറ്റ് വീസ നിലവില്‍ വന്നതിനുശേഷം, അനുവദിച്ച വീസകളുടെ എണ്ണത്തില്‍ ഗണ്യമായ വര്‍ധനവ് രേഖപ്പെടുത്തിയിട്ടുണ്ട്. 2022 പ്രധാന അപേക്ഷകര്‍ക്കും ആശ്രിതര്‍ക്കും 66,000 ഗ്രാജുവേറ്റ് വീസകള്‍ അനുവദിച്ചു.

2023ഈ എണ്ണം ഇരട്ടിയിലധികമായി, അതായത് 144,000 വീസകളായി ഉയര്‍ന്നു. 2023-ല്‍ 114,000 പ്രധാന അപേക്ഷക വീസ ഉടമകളില്‍ 99% പേര്‍ ബിരുദമോ ബിരുദാനന്തര ബിരുദമോ (അല്ലെങ്കില്‍ തത്തുല്യമായത്) പൂര്‍ത്തിയാക്കിയതിനാല്‍ 2 വര്‍ഷത്തെ വീസ കൈവശം വച്ചിട്ടുണ്ട്, അതേസമയം 1% (1,500 വീസകള്‍) പിഎച്ച്ഡി/മറ്റ് ഡോക്ടറല്‍ യോഗ്യത അല്ലെങ്കില്‍ തത്തുല്യം പൂര്‍ത്തിയാക്കിയ 3 വര്‍ഷത്തെ വീസ കൈവശം വച്ചിട്ടുണ്ട്. 2023ല്‍ 30,000 ആശ്രിത വീസകള്‍ അനുവദിച്ചു. റാപ്പിഡ് റിവ്യൂ ഓഫ് ദി ഗ്രാജ്വേറ്റ് റൂട്ട്' റിപ്പോര്‍ട്ടിലെ മറ്റ് കണ്ടെത്തലുകള്‍ പ്രകാരം വീസ റൂട്ട് ഉപയോഗിക്കുന്നവരില്‍ ഭൂരിഭാഗവും ബിരുദാനന്തര ബിരുദം നേടിയ കോഴ്‌സുകള്‍ പൂര്‍ത്തിയാക്കിയിട്ടുണ്ട്. എണ്ണത്തിലെ വളര്‍ച്ച പ്രധാനമായും രണ്ടാം നിര സ്ഥാപനങ്ങളില്‍ നിന്നോ റസ്സല്‍ ഗ്രൂപ്പിന് പുറത്തുള്ള യുകെ സര്‍വകലാശാലകളില്‍ നിന്നോ ആണ്, ഇത് എല്ലാ ഗ്രാജ്വേറ്റ് റൂട്ട് വീസകളുടെയും 66% വരും.