ലണ്ടന്/പറവൂര് ന്മ കിഴക്കന് ലണ്ടനിലെ ഹാക്നിയില് വച്ചു വെടിയേറ്റ മലയാളി പെണ്കുട്ടിയുടെ നില ഗുരുതരമായി തുടരുന്നു. തലയില് തുളച്ചുകയറിയ ബുള്ളറ്റ് പുറത്തെടുക്കാന് ഇന്നു വീണ്ടും ശസ്ത്രക്രിയ നടത്തുമെന്നു സൂചന. 29നു രാത്രി 9.20ന് നടന്ന വെടിവയ്പില് ഗോതുരുത്ത് ആനത്താഴത്ത് അജീഷ് - വിനയ ദമ്പതികളുടെ ഏകമകള് ലിസേല് മരിയയ്ക്കാണ് (10) വെടിയേറ്റത്. മാതാപിതാക്കള്ക്കൊപ്പം റസ്റ്ററന്റില് ഭക്ഷണം കഴിക്കുമ്പോഴാണ് സംഭവം. ബുള്ളറ്റ് തലയില് ആഴത്തില് തുളച്ചു കയറിയതിനാല് ആദ്യം നടത്തിയ ശസ്ത്രക്രിയയില് പുറത്തെടുക്കാനായില്ല. ഗുരുതരാവസ്ഥയിലുള്ള കുട്ടി ലണ്ടനിലെ ആശുപത്രിയില് വെന്റിലേറ്ററിലാണ്.
