|
മുംബൈ ആസാദ് മൈതാനിയില് നടന്ന പ്രൗഢഗംഭീരമായ ചടങ്ങില് ബിജെപി നേതാവും മുന് മുഖ്യമന്ത്രിയുമായിരുന്ന ദേവേന്ദ്ര ഫഡ്നാവിസ് മുഖ്യമന്ത്രിയായി സത്യപ്രതിജ്ഞ ചെയ്തതു. എന്സിപി നേതാവ് അജിത് പവാര്, ശിവസേന നേതാവ് എക്നാഥ് ഷിന്ഡേ എന്നിവര് ഉപമുഖ്യമന്ത്രിമാരായും ചുമതലയേറ്റു. ഗവര്ണര് സി പി രാധാകൃഷ്ണന് സത്യവാചകം ചൊല്ലിക്കൊടുത്തു. രാഷ്ട്രീയ, വ്യവസായ, സിനിമാ മേഖലകളിലെ പ്രമുഖര് സത്യപ്രതിജ്ഞാചടങ്ങിന് സാക്ഷ്യം വഹിച്ചു.
പ്രധാനമന്ത്രി നരേന്ദ്ര മോദി, ആഭ്യന്തര മന്ത്രി അമിത് ഷാ, പ്രതിരോധ മന്ത്രി രാജ്നാഥ് സിങ്, ധനമന്ത്രി നിര്മല സീതാരാമന്, ബിജെപി ദേശീയ അധ്യക്ഷന് ജെ പി നഡ്ഡ തുടങ്ങിയവര്ക്കൊപ്പം യു പി മുഖ്യമന്ത്രി യോഗി ആദിത്യനാഥ്, രാജസ്ഥാന് മുഖ്യമന്ത്രി ഭജന്ലാല് ശര്മ, ഗുജറാത്ത് മുഖ്യമന്ത്രി വിജയ് രൂപാണി, ബിഹാര് മുഖ്യമന്ത്രി നിതീഷ് കുമാര്, ആന്ധ്ര മുഖ്യമന്ത്രി ചന്ദ്രബാബു നായിഡു തുടങ്ങിയവരും ചടങ്ങില് പങ്കെടുത്തു. |
