കൊച്ചി: പ്രശസ്ത വൃക്കരോഗ വിദഗ്ധന് ഡോ. ജോര്ജ് പി അബ്രഹാമിനെ തൂങ്ങിമരിച്ച നിലയില് കണ്ടെത്തി. നെടുമ്പാശേരി തുരുത്തിയിലെ ഫാംഹൗസിലാണ് മൃതദേഹം കണ്ടെത്തിയത്. എറണാകുളം ലേക് ഷോര് ആശുപത്രിയിലെ സീനിയര് സര്ജനാണ്. ഇന്നലെ വൈകീട്ടോടെയാണ് സഹോദരനൊപ്പം ഡോ. ജോര്ജ് പി അബ്രഹാം ഇവിടെയെത്തിയത്. തുടര്ന്ന് സഹോദരനെ പറഞ്ഞയച്ചു. പിന്നീട് ഡോക്ടറെക്കുറിച്ച് വിവരം ലഭിക്കാതിരുന്നതിനെത്തുടര്ന്ന് നടത്തിയ തിരച്ചിലിലാണ് മരിച്ച നിലയില് കണ്ടെത്തിയത്. ഫാം ഹൗസില് നിന്നും ആത്മഹത്യക്കുറിപ്പ് കണ്ടെടുത്തതായി റിപ്പോര്ട്ടുണ്ട്.
സംസ്ഥാനത്ത് ഏറ്റവും അധികം വൃക്ക മാറ്റിവെക്കല് ശസ്ത്രക്രിയ നടത്തിയിട്ടുള്ള ആളാണ് ഡോക്ടര് ജോര്ജ് പി എബ്രഹാം. ജീവിച്ചിരിക്കുന്ന ദാതാവിന് ലാപ്രോസ്കോപ്പിക് വൃക്കമാറ്റിവയ്ക്കല് ശസ്ത്രക്രിയ നടത്തിയ ലോകത്തെ മൂന്നാമത്തെ സര്ജനെന്ന വിശേഷണവും ഇദ്ദേഹത്തിനുണ്ട്.
