പത്തനംതിട്ട: കെ സുധാകരന് മത്സരിക്കാന് ഹൈക്കമാന്ഡ് സീറ്റ് അനുവദിച്ചതോടെ യുഡിഎഫ് കണ്വീനര് അടൂര് പ്രകാശും രംഗത്തെത്തി. സുധാകരന് മത്സരിക്കാന് അര്ഹനാണെങ്കില് തനിക്കും അതേ അവകാശം നല്കണമെന്ന് അദ്ദേഹം ഹൈക്കമാന്ഡിനോട് ആവശ്യപ്പെട്ടു. സുധാകരന് മത്സരിക്കുന്നുവെങ്കില് തനിക്കും സീറ്റ് നല്കണമെന്നും, അല്ലെങ്കില് കോന്നിയില് സ്ഥാനാര്ത്ഥിത്വവുമായി ബന്ധപ്പെട്ട പ്രത്യാഘാതങ്ങള്ക്ക് താന് ഉത്തരവാദിയാകില്ലെന്നും അടൂര് പ്രകാശ് വ്യക്തമാക്കി.
തന്റെ ആവശ്യം ഹൈക്കമാന്ഡിന് നേരിട്ട് സന്ദേശമായി അയച്ചിട്ടുണ്ടെന്നും, മുമ്പ് എംപിമാര് മത്സരിക്കരുതെന്ന നിര്ദേശത്തെത്തുടര്ന്ന് താന് കോന്നിയില് മത്സരിക്കില്ലെന്ന് ഫെയ്സ്ബുക്കില് കുറിപ്പിട്ടിരുന്നുവെന്നും അദ്ദേഹം പറഞ്ഞു. ''കോന്നിയിലെ ജനങ്ങളോടൊപ്പം നിന്നുകൊണ്ട് പ്രവര്ത്തിക്കാന് കഴിഞ്ഞത് എനിക്ക് വലിയ അഭിമാനമാണ്. കോന്നി എന്റെ ജീവിതത്തിന്റെ ഭാഗമാണ്, എന്റെ സ്വന്തം കുടുംബമാണ്. പാര്ട്ടി തീരുമാനത്തിനൊപ്പം നില്ക്കുക നമ്മുടെ കടമയാണ്'' എന്നായിരുന്നു അടൂര് പ്രകാശിന്റെ കുറിപ്പ്.
എന്നാല് സുധാകരന് മാത്രം ഇളവ് നല്കിയതോടെ അടൂര് പ്രകാശ് തന്റെ പോസ്റ്റ് പിന്വലിക്കുകയും, തനിക്കും മത്സരിക്കാന് അര്ഹതയുണ്ടെന്ന് വ്യക്തമാക്കുകയും ചെയ്തു. കോന്നി സീറ്റില് അടൂര് പ്രകാശിന് പകരം സതീഷ് കൊച്ചുപറമ്പിലിനെ പരിഗണിച്ചിരുന്നെങ്കിലും, അടൂര് പ്രകാശ് അവകാശവാദം ശക്തമാക്കിയതോടെ കോണ്ഗ്രസിലെ സീറ്റ് ചര്ച്ചകള് കൂടുതല് സങ്കീര്ണ്ണമാകാനാണ് സാധ്യത
