|
യുകെയിലെ ബര്ക്കിംഗ്ഹെഡില് പത്തനംതിട്ട സ്വദേശി നിര്യാതനായി. പത്തനംതിട്ട തുമ്പമണ് സ്വദേശി കോശി.എ. ഡാനിയല്(72) ആണ് മരിച്ചത്. ആദ്യകാല കുടിയേറ്റ മലയാളിയാണു കോശി. മുന് വോളിബോള് താരം കൂടിയായ കോശി വോളിബോള് ഇതിഹാസം ജിമ്മി ജോര്ജ്ജിനൊപ്പംടൂര്ണമെന്റില് പങ്കെടുത്തിട്ടുണ്ട്. LVC യുടെ ആദ്യകാല കളിക്കാരില് ഒരാള് ആയിരുന്നു.
പത്തനംതിട്ട തുമ്പമണ് പുത്തന്പുരക്കല് കുടുംബാംഗമായ കോശി മുമ്പ് സൈനികനായും സേവനമനുഷ്ടിച്ചിട്ടുണ്ട്. ഭാര്യ നഴ്സായി ജോലി നോക്കുകയാണ്. അഞ്ച് പെണ്മക്കളാണ് ഇദ്ദേഹത്തിന് ഉള്ളത്. സംസ്കാരം പിന്നീട് യുകെയില് നടത്തപ്പെടും. |
