| ഉപതിരഞ്ഞെടുപ്പില് കോണ്ഗ്രസിന്റെ സ്ഥാനാര്ഥികള് ഇവര് - പ്രിയങ്ക ഗാന്ധി, രമ്യഹരിദാസ്, രാഹുല് മാങ്കൂട്ടത്തില് |
| Text By: Reporter, ukmalayalampathram |
|
നവംബര് 13 ന് നടക്കുന്ന ഉപതെരഞ്ഞെടുപ്പിനുള്ള സ്ഥാനാര്ത്ഥികളെ കോണ്ഗ്രസ് നേതൃത്വം പ്രഖ്യാപിച്ചു. വയനാട്ടില് പ്രിയങ്ക ഗാന്ധിയും പാലക്കാട് രാഹുല് മാങ്കൂട്ടത്തിലും ചേലക്കരയില് രമ്യ ഹരിദാസുമാണ് സ്ഥാനാര്ത്ഥികള്. ഉപതെരഞ്ഞെടുപ്പ് പ്രഖ്യാപിച്ച് മണിക്കൂറുകള്ക്കുള്ളിലാണ് കോണ്ഗ്രസ് സ്ഥാനാര്ത്ഥികളെ പ്രഖ്യാപിച്ചത്.
ലോക്സഭാ തിരഞ്ഞെടുപ്പില് പാലക്കാട് എംഎല്എ ഷാഫി പറമ്പിലും ചേലക്കര എംഎല്എയും മന്ത്രിയുമായിരുന്ന കെ രാധാകൃഷ്ണനും ജയിച്ച് ലോക്സഭാംഗങ്ങളായതോടെയാണ് രണ്ട് നിയമസഭാ സീറ്റില് ഉപതിരഞ്ഞെടുപ്പ് വേണ്ടിവന്നത്. റായ്ബറേലി, വയനാട് എന്നീ രണ്ട് ലോക്സഭാ മണ്ഡലങ്ങളിലേക്ക് ജയിച്ച് രാഹുല് ഗാന്ധി വയനാട് ഒഴിഞ്ഞതോടെയാണ് അവിടെ ഉപതിരഞ്ഞെടുപ്പ് വേണ്ടി വന്നത്. |
|
