ഇംഗ്ലണ്ടും വെയില്‍സും ഉള്‍പ്പെടുന്ന യുകെയില്‍ ലേണര്‍ ഡ്രൈവര്‍മാര്‍ക്ക് തിയറി പരീക്ഷയും പ്രായോഗിക ഡ്രൈവിങ് ടെസ്റ്റും തമ്മില്‍ കുറഞ്ഞത് മൂന്നു മുതല്‍ ആറുമാസം വരെ പരിശീലനകാലാവധി നിര്‍ബന്ധമാക്കാന്‍ സര്‍ക്കാര്‍ ആലോചിക്കുന്നതായി റിപ്പോര്‍ട്ടുകള്‍ വ്യക്തമാക്കുന്നു.

പുതിയ നിര്‍ദ്ദേശങ്ങള്‍

- ബുധനാഴ്ച പുറത്തിറങ്ങുന്ന ദേശീയ റോഡ് സുരക്ഷാ മാര്‍ഗ്ഗനിര്‍ദ്ദേശങ്ങളിലാണ് ഈ വ്യവസ്ഥ ഉള്‍പ്പെടുത്തിയിരിക്കുന്നത്.

- നടപ്പിലായാല്‍ ഏറ്റവും ചെറുപ്പത്തില്‍ ലൈസന്‍സ് നേടുന്ന പ്രായം 17.5 വയസാകും.

- പത്തു വര്‍ഷത്തിനുള്ളില്‍ റോഡ് മരണങ്ങളും ഗുരുതര പരുക്കുകളും 65% വരെ കുറയ്ക്കുക എന്നതാണ് സര്‍ക്കാരിന്റെ ലക്ഷ്യം.

അപകട കണക്കുകള്‍

- 2024-ലെ റോഡ് അപകടങ്ങളില്‍ ഏകദേശം അഞ്ചിലൊന്ന് യുവ ഡ്രൈവര്‍മാരുമായി ബന്ധപ്പെട്ടതാണ്.

- പഠനകാലാവധി നിര്‍ബന്ധമാക്കിയാല്‍ അപകടം 32% വരെ കുറയ്ക്കാനാകുമെന്നാണ് വിലയിരുത്തല്‍.

- നിലവില്‍ ടെസ്റ്റിന് ശരാശരി ആറുമാസം വരെ കാത്തിരിക്കേണ്ട സാഹചര്യം 2027 വരെ തുടരുമെന്ന് അധികൃതര്‍ വ്യക്തമാക്കുന്നു.

ആവശ്യം ശക്തം

പുതിയ ഡ്രൈവര്‍മാര്‍ പരിചയക്കുറവു മൂലം അപകടങ്ങള്‍ വര്‍ധിക്കുന്ന സാഹചര്യത്തില്‍ കൂടുതല്‍ പരിശീലനം ഉറപ്പാക്കണമെന്ന ആവശ്യം ശക്തമായി ഉയര്‍ന്നിട്ടുണ്ട്