ലണ്ടന്: കുടിയേറ്റ നയത്തില് വരുത്തിയിരിക്കുന്ന കാര്ക്കശ്യമേറിയ പരിഷ്കാരങ്ങള് കാരണം ബ്രിട്ടനിലേക്ക് വിദഗ്ധ തൊഴിലാളികളെ റിക്രൂട്ട് ചെയ്യുന്നതിനുള്ള നടപടിക്രമങ്ങള്ക്കും ബുദ്ധിമുട്ടേറുന്നു.
കോണ്ഫെഡറേഷന് ഓഫ് ബ്രിട്ടീഷ് ഇന്ഡസ്ട്രീസ് (സിബിഐ) ലീഡ്സില് നടത്തിയ സമ്മേളനത്തിലാണ് ഈ അഭിപ്രായം ഉയര്ന്നത്. വ്യവസായ ലോകത്തുനിന്നുള്ള പല പ്രമുഖരും ഇതിനോട് യോജിച്ചു.
യൂറോപ്പിനു പുറത്തുനിന്നുള്ള കുടിയേറ്റം ഇതിനകം തന്നെ കടുപ്പമായിക്കഴിഞ്ഞു. യൂറോപ്യന് യൂണിയനുള്ളില്നിന്നുള്ള കുടിയേറ്റത്തിനു കൂടി നിയന്ത്രണം ഏര്പ്പെടുത്താനാണ് സര്ക്കാര് ഉദ്ദേശിക്കുന്നതെങ്കില് വ്യവസായ ലോകം കൂടുതല് ബുദ്ധിമുട്ടിലാകുമെന്നും സമ്മേളനത്തില് അഭിപ്രായമുയര്ന്നു.
