മുംബൈ: ഇന്ഡിഗോ വിമാനത്തില് സിഗരറ്റ് വലിച്ച 42കാരന് അറസ്റ്റില്. ഡല്ഹിയില് നിന്ന് മുംബൈയിലേക്ക് പുറപ്പെട്ട വിമാനത്തിലെ ശുചിമുറിക്കുള്ളിലാണ് ഇയാള് പുകവലിച്ചത്. സംഭവം അറിഞ്ഞയുടന് ഇന്ഡിഗോ വിമാന ജീവനക്കാര് ഇടപെട്ട് യാത്രക്കാരനെ തടഞ്ഞു. മുംബൈ വിമാനത്താവളത്തില് വെച്ച് യാത്രക്കാരനെ മുംബൈ പൊലീസിന് കൈമാറി.
വിമാനത്തിനുള്ളില് സിഗരറ്റിന്റെ രൂക്ഷഗന്ധം ഉണ്ടായതിനെ തുടര്ന്ന് ജീവനക്കാര് പരിശോധന നടത്തിയപ്പോഴാണ് ശുചിമുറിക്കുള്ളില് യാത്രക്കാരന് പുകവലിക്കുന്നതായി കണ്ടെത്തിയത്. ഐപിസി, എയര്ക്രാഫ്റ്റ് ആക്ട് സെക്ഷന് 336 പ്രകാരം യാത്രക്കാരനെതിരെ കേസെടുത്തു. ഇയാര് ജുഡീഷ്യല് കസ്റ്റഡിയിലാണെന്ന് പൊലീസ് അറിയിച്ചു.
