വിറാള്‍ മലയാളി കമ്യൂണിറ്റി പൊന്നോണം 14ന് നടക്കും. വിറാളിലെ ഹള്‍മി ഹാളിലാണ് ആഘോഷം നടത്തുക. രാവിലെ 10 മുതല്‍ നടക്കുന്ന ആഘോഷത്തില്‍ വിറാളിലെ GCSC & A Level എക്സാം ക്ലിയര്‍ ചെയ്തിട്ടുള്ള മിടുക്കന്മാരും മിടുക്കികളുമായ കുട്ടികളെ പൊതു സമ്മേളനത്തില്‍ വച്ച് ആദരിക്കും.ഓണാഘോഷ പരിപാടിയില്‍ വര്‍ക്ക് ആന്റ് പെന്‍ഷന്‍ മിനിസ്റ്റര്‍ ആലിസണ്‍ മാഗ് ഗോവന്‍ എംപി മുഖ്യാതിഥിയായി എത്തും.

നിരവധി കലാപാരിപാടികളും ഇതിനോടനുബന്ധിച്ച് ഒരുക്കിയിട്ടുണ്ട്. ജിസിഎസ് സി, എ ലെവലില്‍ മികച്ച വിജയം നേടിയകുട്ടികളുടെ മാതാപിതാക്കള്‍ അവരുടെ ഡീറ്റെയില്‍സ് WMC എക്സിക്യൂട്ടീവ് കമ്മിറ്റി അംഗങ്ങളെ വരും ദിവസങ്ങളില്‍ തന്നെ അറിയിക്കണമെന്ന് ഭാരവാഹികള്‍ അറിയിച്ചു.