|
നിലമ്പൂര് ഉപതിരഞ്ഞെടുപ്പിന്റെ പരസ്യ പ്രചാരണം അവസാനിച്ചു. മൂന്ന് മുന്നണി സ്ഥാനാര്ഥികളുടെയും റോഡ് ഷോ അവസാനിച്ചു. നാടകീയ രാഷ്ട്രീയ നീക്കങ്ങളും ആരോപണങ്ങളും വിവാദങ്ങളും കടന്ന് നിലമ്പൂര് മറ്റന്നാള് പോളിംഗ് ബൂത്തിലെത്തും. കൊട്ടിക്കലാശം നടത്താതെ വീടുകള് കയറി വോട്ടഭ്യര്ഥിക്കുകയായിരുന്നു ഇതേ മണ്ഡലത്തില് നിന്നു രാജിവച്ച് അവിടെ തന്നെ ഇപ്പോള് മത്സരിക്കുന്ന പി.വി അന്വര്.
പാര്ട്ടി ചിഹ്നത്തില് എം സ്വരാജ് എന്ന കരുത്തനായ സ്ഥാനാര്ഥിയെത്തിയപ്പോള് മുതല് എല്ഡിഎഫ് ക്യാംപ് ആവേശത്തിലായിരുന്നു. ആര്യാടന് മുഹമ്മദിന്റെ കോട്ട ഇക്കുറി തിരികെ പിടിക്കുമെന്ന ആത്മവിശ്വാസമാണ് യുഡിഎഫിന്.
വലിയ സ്വാധീനമില്ലാത്ത മണ്ഡലമെങ്കിലും പോരിനുറച്ചുതന്നെയാണ് കളത്തില് എന്ഡിഎയും സജീവമായത്. പുതിയ അധ്യക്ഷന്റെ കീഴില് അണിനിരക്കുന്ന ബിജെപിയുടെ ആദ്യരാഷ്ട്രീയ പോരാണിത്. |
