|
വി.എസ് അച്യുതാനന്ദന്റെ മകന് വി.എ അരുണ്കുമാറിന്റെ ഐ.എച്ച്.ആര്.ഡി. ഡയറക്ടറായുള്ള നിയമനം അന്വേഷിക്കാന് ഉത്തരവിട്ട് ഹൈക്കോടതി. ഐഎച്ച്ആര്ഡി ഡയറക്ടര് പദവി ഒരു സര്വകലാശാല വൈസ് ചാന്സലര്ക്ക് തുല്യമാണെന്ന് നിരീക്ഷിച്ച കോടതി വി എ അരുണ് കുമാറിന്റെ യോഗ്യത പരിശോധിക്കണമെന്നും നിര്ദേശിച്ചു.
യുജിഎസ് മാനദണ്ഡ പ്രകാരം 7 വര്ഷത്തെ അധ്യാപന പരിചയം നിര്ബന്ധമാണ്. എന്നാല് ക്ലറിക്കല് പദവിയില് ഇരുന്ന വ്യക്തിക്ക് രാഷ്ട്രീയ സ്വാധീനത്തില് പ്രൊമോഷന് നല്കി ഐഎച്ച്ആര്ഡി ഡയറക്ടര് പദവി നല്കിയെന്നത് വിചിത്രമായി തോന്നുന്നുവെന്നും കോടതി ചൂണ്ടിക്കാട്ടി.
തൃക്കാക്കര മോഡല് എഞ്ചിനീയറിംഗ് കോളജിന്റെ മുന് പ്രിന്സിപ്പലും നിലവില് കേരള ടെക്നിക്കല് യൂണിവേഴ്സിറ്റി ഡീനുമായ ഡോ. വിനു തോമസ് സമര്പ്പിച്ച ഹരജിയിന്മേലാണ് ഹൈക്കോടതിയുടെ ഉത്തരവ്. |
