|
ഛത്തീസ്ഗഡിലെ ദുര്ഗില് ജയില് കഴിയുന്ന കന്യാസ്ത്രീകളായ പ്രീതി മേരിയുടെയും വന്ദന ഫ്രാന്സിസിന്റെയും ജാമ്യാപേക്ഷ സെഷന്സ് കോടതി തള്ളി. കേസ് പരിഗണിക്കാന് അധികാരമില്ലെന്ന് വ്യക്തമാക്കിയ സെഷന്സ് കോടതി, ബിലാസ്പൂരിലെ എന്ഐഎ കോടതിയെ സമീപിക്കാനും നിര്ദേശിച്ചു. ജാമ്യാപേക്ഷ തള്ളിയതോടെ കന്യാസ്ത്രീകള്ക്ക് ജയിലില് തുടരേണ്ടിവരും.
കന്യാസ്ത്രീകളുടെ ജാമ്യാപേക്ഷ കഴിഞ്ഞ ദിവസം മജിസ്ട്രേട്ട് കോടതി തള്ളിയിരുന്നു. കേസില് ആരോപിച്ചിരിക്കുന്ന മനുഷ്യക്കടത്ത്, നിര്ബന്ധിത മതപരിവര്ത്തനം എന്നീ കുറ്റങ്ങള് അധികാരപരിധിയിലല്ലെന്ന് ചൂണ്ടിക്കാട്ടിയായിരുന്നു നടപടി. ഇതിനെ തുടര്ന്നാണ് സെഷന്സ് കോടതിയെ സമീപിച്ചത്. |
