വജ്രമാല ഉള്പ്പെടെ 8 കോടി രൂപ വിലവരുന്ന ആഭരണങ്ങളാണ് കൊല്ലൂരില് സമര്പ്പിച്ചത്. മൂകാംബികാദേവിക്കും വീരഭദ്രസ്വാമിക്കും വജ്രമടങ്ങിയ കിരീടങ്ങളും വീരഭദ്രസ്വാമിക്ക് സ്വര്ണത്തില് പണിയിച്ച വാളുമാണ് സമര്പ്പിച്ചത്. ബുധനാഴ്ച രാവിലെ കൊല്ലൂരിലെത്തിയ ഇളയരാജയെ വാദ്യമേളങ്ങളോടെ ആയിരക്കണക്കിന് ഭക്തര് ചേര്ന്നാണ് ക്ഷേത്രത്തിലേക്ക് ആനയിച്ചത്. ക്ഷേത്രദര്ശനം നടത്തിയശേഷം അര്ച്ചകന് സുബ്രഹ്മണ്യ അഡിഗയുടെ സാന്നിധ്യത്തില് ആഭരണം കൊല്ലൂര് ക്ഷേത്രത്തിലേക്ക് സമര്പ്പിച്ചു. മകനും സംഗീതസംവിധായകനുമായ കാര്ത്തിക് രാജയും ഇളയരാജയ്ക്ക് ഒപ്പമുണ്ടായിരുന്നു. കൊടിമരത്തിനു മുന്നില് ക്ഷേത്ര മുഖ്യ അര്ച്ചകന് കെ എന് സുബ്രഹ്മണ്യ അഡിഗയുടെ സാന്നിധ്യത്തിലാണ് ആഭരണങ്ങള് ദേവിക്ക് സമര്പ്പിച്ചത്.
