ലണ്ടന്: ഇന്ത്യയെ പലപ്പോഴും 'സുരക്ഷിതമല്ലാത്ത നഗരം' എന്ന് വിശേഷിപ്പിക്കുന്ന വിദേശികളുടെ അഭിപ്രായങ്ങള്ക്ക് മറുപടിയായി, ഇന്ത്യയില് യാത്ര ചെയ്ത അനുഭവം പങ്കുവെച്ച ഒരു വിദേശി യുവതിയുടെ പോസ്റ്റ് ഇപ്പോള് ശ്രദ്ധ നേടുന്നു. 'ഡിസ്കവര് വിത്ത് എമ്മ' എന്ന ഇന്സ്റ്റഗ്രാം പേജിലാണ് പോസ്റ്റ് ഷെയര് ചെയ്തിരിക്കുന്നത്.
യുവതി വ്യക്തമാക്കുന്നത്, മൊബൈല് മോഷണത്തിന്റെ കാര്യത്തില് ഇന്ത്യ ലണ്ടനേക്കാള് സുരക്ഷിതമാണെന്നതാണ്. ''ലണ്ടനേക്കാള് എനിക്ക് സുരക്ഷിതത്വം തോന്നിയത് ഇന്ത്യയിലാണ്. ഫോണ് ഉപയോഗിക്കുമ്പോള് ഇന്ത്യയില് കുറവ് സ്ട്രെസ്സ് മാത്രമേ അനുഭവപ്പെട്ടുള്ളൂ,'' എന്നാണ് അവള് കുറിച്ചത്.
ഇന്ത്യയിലെ യാത്രാനുഭവം
കേരളം (പ്രത്യേകിച്ച് വര്ക്കല), ഗുവാഹത്തി, മേഘാലയ തുടങ്ങിയ സ്ഥലങ്ങളിലൂടെ യാത്ര ചെയ്തപ്പോള്, കൈവശമുള്ള വസ്തുക്കളെ കുറിച്ച് അമിതമായ ആശങ്ക ഉണ്ടായിരുന്നില്ലെന്നും, സ്വതന്ത്രമായി വീഡിയോകള് ഷൂട്ട് ചെയ്യാനും ഫോണ് കൈയില് പിടിച്ച് നടക്കാനും സാധിച്ചതായും അവള് പറഞ്ഞു.
അതേസമയം, ലണ്ടനില് പൊതുഗതാഗതം ഉപയോഗിക്കുമ്പോള് ഫോണ് മുറുകെ പിടിക്കേണ്ടി വരുന്നതും, ബാഗ് നിരന്തരം പരിശോധിക്കേണ്ടി വരുന്നതും, ആരെങ്കിലും അടുത്ത് വന്നാല് സംശയത്തോടെ നോക്കേണ്ടി വരുന്നതുമാണ് അവളുടെ അനുഭവം.
സന്ദേശം
''എല്ലാ സ്ഥലങ്ങളിലും സുരക്ഷാ പ്രശ്നങ്ങള് ഉണ്ടാകും. ഇന്ത്യ പൂര്ണ്ണമായും സുരക്ഷിതമാണെന്നോ ജാഗ്രത വേണ്ടെന്നോ അല്ല ഞാന് പറയുന്നത്. എങ്കിലും ഇന്ത്യ സന്ദര്ശിക്കുന്നതിന് മുമ്പ് കേട്ടിരുന്ന പല കാര്യങ്ങളും തെറ്റാണെന്ന് എനിക്ക് ബോധ്യമായി,'' എന്ന് യുവതി പോസ്റ്റില് വ്യക്തമാക്കി.
ഓണ്ലൈനില് കാണുന്ന നെഗറ്റീവ് കാര്യങ്ങള് കാരണം ഇന്ത്യ സന്ദര്ശിക്കാന് മടിക്കുന്നവര്ക്ക്, അത് അങ്ങനെയല്ലെന്ന സൂചനയായി തന്റെ പോസ്റ്റിനെ കാണണമെന്ന് അവള് കൂട്ടിച്ചേര്ത്തു.
വീഡിയോയ്ക്ക് നിരവധിപേരാണ് കമന്റുകള് നല്കിയത്. യുവതി പറഞ്ഞതിനെ അംഗീകരിച്ചവരും, ഇന്ത്യയിലും ജാഗ്രത പാലിക്കേണ്ടതുണ്ടെന്ന് അഭിപ്രായപ്പെട്ടവരുമുണ്ട്.
