മികച്ച നടനുള്ള ദേശീയ പുരസ്‌കാരം നാലാം തവണയും മലയാളികളുടെ പ്രിയനടന്‍ മമ്മൂട്ടി ഏറ്റുവാങ്ങി. ഗുജറാത്തിലെ ഏക്താ നഗറില്‍ നടന്ന 72-ാമത് ദേശീയ ചലച്ചിത്ര പുരസ്‌കാര ചടങ്ങില്‍ രാഷ്ട്രപതി ദ്രൗപദി മുര്‍മുവില്‍നിന്നാണ് മമ്മൂട്ടി പുരസ്‌കാരം ഏറ്റുവാങ്ങിയത്. ചന്തു ചാമ്പ്യന്‍ എന്ന ചിത്രത്തിലെ പ്രകടനത്തിന് കാര്‍ത്തിക് ആര്യനൊപ്പം മമ്മൂട്ടി മികച്ച നടനുള്ള പുരസ്‌കാരം പങ്കിടുകയായിരുന്നു.
ദേശീയ തലത്തില്‍ അംഗീകരിക്കപ്പെടുന്നത് ഏതൊരു കലാകാരനും പ്രചോദനമാണെന്നും നാലാമത്തെ ദേശീയ പുരസ്‌കാരം ലഭിച്ചതില്‍ വലിയ ഭാഗ്യമാണെന്നും മമ്മൂട്ടി പ്രതികരിച്ചു. ഇത് തനിക്ക് പിന്നില്‍ അണിനിരന്ന സംവിധായകര്‍, സാങ്കേതിക പ്രവര്‍ത്തകര്‍, സഹനടന്മാര്‍, നിര്‍മാതാക്കള്‍, ആസ്വദിച്ച പ്രേക്ഷകര്‍ എന്നിവരുള്‍പ്പെടുന്ന വലിയൊരു സംഘത്തോടൊപ്പമുള്ള നീണ്ട യാത്രയാണെന്ന് അദ്ദേഹം ഓര്‍മ്മിച്ചു. ഇത്രയും കാലം ആളുകളെ രസിപ്പിക്കാന്‍ കഴിഞ്ഞതില്‍ സന്തോഷമുണ്ടെന്നും, ഇനിയും അത് തുടരാന്‍ കഠിനാധ്വാനം ചെയ്യുമെന്ന് ഉറപ്പുനല്‍കുന്നുവെന്നും മമ്മൂട്ടി പറഞ്ഞു.