ഉലുവ ഔഷധങ്ങളുടെ അപൂര്‍വ്വ കലവറകൂടിയാണ്. അല്‍പ്പം കയപ്പാണെങ്കിലും ?ഗുണത്തിന്റെ കാര്യത്തില്‍ മുന്നിലാണ് ഉലുവ. ഉലവു കഴിച്ചാല്‍ നിരവധി ?ഗുണങ്ങളാണുള്ളത്. ഹൃദയത്തെ സംരക്ഷിക്കാന്‍ ഉലുവ നല്ലതാണ്. ഉലുവയില്‍ അടങ്ങിയിരിക്കുന്ന പോളിസാക്കറൈഡ് എന്ന് മൂലകമാണ് ഉലുവയെ ഹൃദയാരോഗ്യം മെച്ചപ്പെടുത്താന്‍ സഹായിക്കുന്നത്.

നാരുകള്‍ ധാരാളമായി അടങ്ങിയിരിക്കുന്ന ശരീരത്തിലെ ചീത്ത കൊളസ്‌ട്രോളിനെ നിയന്ത്രിക്കാന്‍ ഇത് സഹായിക്കുന്നു. കൂടാതെ ശരീരത്തിലെ സോഡിയത്തിന്റെ അളവിനെ നിയന്ത്രിക്കാന്‍ സഹായിക്കുന്ന ഉലുവ ഇതുവഴി രക്തസമ്മര്‍ദ്ദത്തെ നിയന്ത്രിക്കാനും സഹായിക്കുന്നു. മലബന്ധത്തെ ഇല്ലാതെയാക്കുന്നതിന് ഉലുവ നല്ലതാണ്. കരളിനെ ശുദ്ധീകരിക്കാനും രക്തം ശുദ്ധമാക്കാനും ഉലുവ നല്ലതാണ്. ഭക്ഷണത്തിന് മുന്‍പ് ഉലുവപ്പൊടി വെള്ളത്തില്‍ കലര്‍ത്തിക്കുടിക്കുന്നത് അസിഡിറ്റി സംബന്ധമായ അസ്വസ്തകള്‍ പരിഹരിക്കാന്‍ സഹായിക്കുന്നവയാണ്.

അമിതവണ്ണം കുറയ്ക്കാന്‍ ഉലുവ നല്ലതാണ്. ഉലുവയില്‍ അടങ്ങിയിരിക്കുന്ന നാരുകള്‍ ശരീരത്തില്‍ അടങ്ങിയിരിക്കുന്ന കൊഴുപ്പിന്റെ അളവിനെ കുറയ്ക്കാന്‍ സഹായിക്കുന്നു. കൂടാതെ വൃക്കകളില്‍ കാല്‍സ്യം അടിഞ്ഞുകൂടുന്നത് തടയുന്ന ഉലുവ മൂത്രത്തില്‍ കല്ലിനെ പ്രതിരോധിക്കാന്‍ സഹായിക്കുന്നു. ശ്വാസമുട്ടലുള്ളവര്‍ ദിവസവും ഒരു കപ്പ് ഉലുവ വെള്ളം കുടിക്കുന്നത് നല്ലതാണ്. ഉലുവയിലടങ്ങിയ പ്രോട്ടീനുകള്‍ മുടിവളര്‍ച്ചയ്ക്കു ഉത്തമമാണ്.