മുംബൈ:എന്സിബി മുംബൈ മുന് സോണല് ഡയറക്ടര് സമീര് വാങ്കഡെയ്ക്ക് എതിരെ കള്ളപ്പണക്കേസില് ഇ.ഡി എഫ്ഐആര് റജിസ്റ്റര് ചെയ്തു. സമീര് വാങ്കഡെയ്ക്ക് വരുമാനത്തില് കവിഞ്ഞ ആസ്തിയും സ്വത്തവകകളുമുണ്ടെന്ന ആരോപണം നേരത്തെ ഉയര്ന്നിരുന്നു. ബോളിവുഡ് താരം ഷാരൂഖ് ഖാന്റെ മകനെ ലഹരിക്കേസില് കുടുക്കാതിരിക്കാനായിരുന്നു 25 കോടി കൈക്കൂലി ആവശ്യപ്പെട്ട കേസില് സിബി െഎ അന്വേഷണം തുടരവേയാണ് ഇ ഡി കേസെടുത്തത്. പിന്നാലെ മൂന്ന് എന്സിബി ഉദ്യോഗസ്ഥരെ ഇഡി ചോദ്യം ചെയ്യാന് വിളിപ്പിച്ചു. നേരത്തെ സിബി െഎ കേസ് റദ്ദാക്കണമെന്നും നടപടികളില് നിന്ന് ഇടക്കാല സംരക്ഷണവും ആവശ്യപ്പെട്ട് വാങ്കഡെ ഹൈക്കോടതിയെ സമീപിച്ചിരുന്നു. ക്രിമിനല് ഗൂഢാലോചന, ഭീഷണിപ്പെടുത്തല്, കൈക്കൂലിയുമായി ബന്ധപ്പെട്ട അഴിമതി നിരോധന നിയമത്തിലെ വകുപ്പുകള് എന്നിവ ചുമത്തിയാണ് സിബിഐ വാങ്കഡെയ്ക്കും കേസിലെ മറ്റ് പ്രതികള്ക്കുമെതിരെ കേസെടുത്തിട്ടുളളത്
