കൊച്ചി: കൊച്ചി തീരത്ത് നങ്കൂരമിട്ട റഷ്യന് അന്തര്വാഹിനിയായ ഉഫയ്ക്ക് വന് സ്വീകരണം നല്കി നാവികസേന. റഷ്യയുമായി സമുദ്ര സഹകരണം ശക്തമാക്കുന്നതിന്റെ നീക്കമാണിത്. ഇന്ത്യയും റഷ്യയും തമ്മിലുള്ള 'അചഞ്ചലമായ സൗഹൃദം', പ്രത്യേകിച്ച് നാവിക സഹകരണ മേഖലയില് എടുത്തുകാണിക്കുന്നതായി എക്സ് ഹാന്ഡിലായ കൊച്ചി ഡിഫന്സ് പിആര്ഒ അറിയിച്ചു. 'റഷ്യന് അന്തര്വാഹിനി ഉഫ കൊച്ചിയില് നങ്കൂരമിട്ടു. ഇന്ത്യന് നാവികസേനയുടെ ഊഷ്മളമായ സ്വീകരണം ലഭിച്ചു. ഇന്ത്യയും റഷ്യയും തമ്മിലുള്ള അചഞ്ചലമായ സൗഹൃദത്തിന്റെ പ്രതീകമാണ്, സമുദ്രസഹകരണം ശക്തമായി തുടരുന്നു,' നാവികസേന എക്സ് പോസ്റ്റില് പറഞ്ഞു.
