കണ്ണൂര്‍: കണ്ണൂര്‍ വെള്ളോറയില്‍ നടന്ന വെടിവയ്പ്പില്‍ യുവാവ് മരിച്ചു. താഴെ എടക്കോത്തെ നെല്ലംകുഴിയിലെ ഷിജോ (37) ആണ് പുലര്‍ച്ചെ 5.30ഓടെ മരിച്ചത്. നായാട്ടിനിടെ വെടിയേറ്റതാണെന്നാണ് പ്രാഥമിക വിവരം. ഷിജോയോടൊപ്പം ഉണ്ടായിരുന്ന വെള്ളോറ സ്വദേശി ഷൈനെ പൊലീസ് കസ്റ്റഡിയിലെടുത്തിട്ടുണ്ട്. ഇരുവരും നായാട്ടിന് പോയതായിരുന്നുവെന്നാണ് പൊലീസ് പറയുന്നത്. മൃഗങ്ങളെ വേട്ടയാടാന്‍ ഉപയോഗിച്ച തോക്കും മറ്റ് തെളിവുകളും പൊലീസ് പിടിച്ചെടുത്തിട്ടുണ്ട്. സംഭവത്തെ തുടര്‍ന്ന് പ്രദേശത്ത് ആശങ്കയും ഉണര്‍വ്വും നിലനില്‍ക്കുന്നു. പൊലീസ് അന്വേഷണം തുടരുകയാണ്.