|
തിങ്കളാഴ്ച നടക്കുന്ന ചടങ്ങില് ഗവര്ണര് ഡോക്ടറേറ്റ് നല്കും. മമ്മൂട്ടിയെ കൂടാതെ നാദസ്വര വിദ്വാന് തിരുവിഴ ജയശങ്കര് ,വാസ്കുലര് സര്ജന് ഡോ. എന്. രാധാകൃഷ്ണന് എന്നിവര്ക്കും ഓണററി ബിരുദം നല്കും.ഇന്ത്യന് സിനിമയ്ക്ക് നല്കിയ സമഗ്ര സംഭാവന പരിഗണിച്ചാണ് മമ്മൂട്ടിക്ക് ഡി ലിറ്റ് നല്കുന്നത്.
മികച്ച നടനുള്ള ദേശീയ പുരസ്കാരം മൂന്ന് തവണ നേടിയിട്ടുണ്ട്. അഞ്ചുതവണ മികച്ച നടനുള്ള സംസ്ഥാന പുരസ്കാരവും 12 തവണ ഫിലിംഫെയര് (ദക്ഷിണേന്ത്യന്) പുരസ്കാരവും നേടി. 1998-ല് പത്മശ്രീ നല്കി രാജ്യം ആദരിച്ചു. കേരള സര്വകലാശാലയുടെയും കലിക്കറ്റ് സര്വകലാശാലയുടെയും ഡോക്ടറേറ്റ് ലഭിച്ചിട്ടുണ്ട്. |
