ഇന്ത്യന്‍ സംയുക്തസേന നടത്തിയ ഓപ്പറേഷന്‍ സിന്ദൂറിന്റെ ഭാഗമായി രാജ്യത്തെ 16 വിമാനത്താവളങ്ങള്‍ അടച്ചു. വിവിധ ആഭ്യന്തര വിമാനത്താവളങ്ങളില്‍ നിന്നുള്ള 165 ലധികം വിമാനങ്ങള്‍ റദ്ദാക്കിയതായി ഇന്‍ഡിഗോ ബുധനാഴ്ച അറിയിച്ചു. അമൃത്സര്‍ ഒപ്പം ശ്രീനഗര്‍ വ്യോമാതിര്‍ത്തി നിയന്ത്രണങ്ങള്‍ കാരണം മെയ് 10 ന് പുലര്‍ച്ചെ വരെ അടച്ചിടും. ബുധനാഴ്ച രാവിലെ പാകിസ്താനിലെ ഭീകര കേന്ദ്രങ്ങളില്‍ സായുധ സേന മിസൈല്‍ ആക്രമണം നടത്തിയതിനെത്തുടര്‍ന്ന്, വ്യോമാതിര്‍ത്തി നിയന്ത്രണങ്ങള്‍ ഏര്‍പ്പെടുത്തുകയും ചില വിമാനത്താവളങ്ങള്‍ താല്‍ക്കാലികമായി അടച്ചിടുകയും ചെയ്തു. ''വ്യോമമേഖലാ നിയന്ത്രണങ്ങളെക്കുറിച്ചുള്ള സര്‍ക്കാര്‍ വിജ്ഞാപനം കാരണം, ഒന്നിലധികം വിമാനത്താവളങ്ങളില്‍ നിന്നുള്ള 165-ലധികം ഇന്‍ഡിഗോ വിമാനങ്ങള്‍ (അമൃത്സര്‍,ബിക്കാനീര്‍,ചണ്ഡീഗഢ്, ധര്‍മ്മശാല, ഗ്വാളിയോര്‍, ജമ്മു, ജോധ്പൂര്‍, കിഷന്‍ഗഡ്, ലേ,രാജ്‌കോട്ട്'', ശ്രീനഗര്‍) എന്നിവയിലേക്കുള്ള വിമാന സര്‍വീസുകള്‍ 2025 മെയ് 10, IST പ്രകാരം രാവിലെ 5:29 വരെ റദ്ദാക്കിയിരിക്കുന്നു,'' ഇന്‍ഡിഗോ എയര്‍ലൈന്‍ പ്രസ്താവനയില്‍ പറഞ്ഞു.
