ലണ്ടന്‍: 1980കളുമായി താരതമ്യപ്പെടുത്തുമ്പോള്‍ യുകെയിലെ കാന്‍സര്‍ മരണനിരക്ക് മൂന്നിലൊന്നു വരെ കുറഞ്ഞതായി പുതിയ പഠനറിപ്പോര്‍ട്ട് വ്യക്തമാക്കുന്നു.

Cancer Research UK നടത്തിയ വിശകലനപ്രകാരം 1989-ല്‍ ഒരു ലക്ഷം ആളുകളില്‍ ഏകദേശം 355 പേര്‍ കാന്‍സര്‍ മൂലം മരിച്ചിരുന്നുവെങ്കില്‍ ഇപ്പോള്‍ അത് 247 ആയി കുറഞ്ഞു. പ്രതിരോധം, നേരത്തെ രോഗനിര്‍ണയം, പുതിയ ചികിത്സാ രീതികള്‍ എന്നിവയില്‍ ഉണ്ടായ പുരോഗതിയാണ് ഇതിന് കാരണമെന്ന് വിദഗ്ധര്‍ പറയുന്നു. എന്നിരുന്നാലും രാജ്യത്ത് ഓരോ നാലില്‍ ഒരു മരണവും ഇപ്പോഴും കാന്‍സര്‍ മൂലമാണ്.

കഴിഞ്ഞ പത്ത് വര്‍ഷത്തെ പുരോഗതി

- കാന്‍സര്‍ മരണനിരക്ക് 11% കുറഞ്ഞു

- ഒവേറിയന്‍ കാന്‍സര്‍ - 19% കുറവ്

- വയറിലെ കാന്‍സര്‍ - 34% കുറവ്

- ശ്വാസകോശ കാന്‍സര്‍ - 22% കുറവ്

- ബൗവല്‍ കാന്‍സര്‍ - 6% കുറവ്

- ബ്രസ്റ്റ് കാന്‍സര്‍ - 14% കുറവ്

- സര്‍വിക്കല്‍ കാന്‍സര്‍ - 11% കുറവ്

- ല്യൂക്കീമിയ - 9% കുറവ്

- ഈസോഫഗല്‍ കാന്‍സര്‍ - 12% കുറവ്

വര്‍ധിച്ച ചില രോഗങ്ങള്‍

- കിഡ്‌നി കാന്‍സര്‍ - 5% വര്‍ധിച്ചു

- കരള്‍ കാന്‍സര്‍ - 14% വര്‍ധിച്ചു

- കണ്ണ് കാന്‍സര്‍ - 26% വര്‍ധിച്ചു

- ഗാള്‍ബ്ലാഡര്‍ കാന്‍സര്‍ - 29% വര്‍ധിച്ചു

പ്രധാന കാരണങ്ങള്‍

പുകവലി നിയന്ത്രണ നിയമങ്ങളും NHS നടപ്പാക്കിയ ബ്രസ്റ്റ്, ബൗവല്‍, സര്‍വിക്കല്‍ സ്‌ക്രീനിംഗ് പദ്ധതികളും മരണനിരക്ക് കുറയാന്‍ സഹായിച്ചു. സ്‌കൂള്‍ കുട്ടികള്‍ക്ക് നല്‍കുന്ന HPV വാക്‌സിന്‍ സര്‍വിക്കല്‍ കാന്‍സര്‍ കുറയുന്നതിലും വലിയ പങ്കുവഹിച്ചു.

മുന്നറിയിപ്പ്

ജനസംഖ്യയും വയോധികരുടെ എണ്ണവും കൂടുന്നതിനാല്‍ രാജ്യത്ത് ഓരോ 75 സെക്കന്‍ഡിലും ഒരാള്‍ക്ക് കാന്‍സര്‍ കണ്ടെത്തപ്പെടുന്നു. ചികിത്സാ സേവനങ്ങള്‍ മെച്ചപ്പെടുത്താന്‍ സര്‍ക്കാര്‍ 2 ബില്യണ്‍ പൗണ്ട് നിക്ഷേപിക്കുമെന്ന് പ്രഖ്യാപിച്ചിട്ടുണ്ട്