ലണ്ടന്‍: ഇംഗ്ലണ്ടിലെയും വെയില്‍സിലെയും പൊലീസ് ഉദ്യോഗസ്ഥര്‍ക്കിടയില്‍ ആത്മഹത്യകള്‍ ആശങ്കാജനകമായി ഉയരുന്നതായി റിപ്പോര്‍ട്ട്. 2022 മുതല്‍ നൂറിലധികം പൊലീസ് ഉദ്യോഗസ്ഥരും മറ്റ് ജീവനക്കാരും ആത്മഹത്യ ചെയ്തതായും ഇരുന്നൂറിലധികം ആത്മഹത്യാശ്രമങ്ങള്‍ നടന്നതായും പൊലീസ് ഫെഡറേഷന്‍ ഓഫ് ഇംഗ്ലണ്ട് ആന്‍ഡ് വെയില്‍സ് വെളിപ്പെടുത്തി. സേനയ്ക്കുള്ളിലെ ഗുരുതരമായ മാനസികാരോഗ്യ പ്രതിസന്ധിയാണിതെന്നും അധികാരികള്‍ ഇത് കണ്ടില്ലെന്ന് നടിക്കുന്നുവെന്നും ഫെഡറേഷന്‍ ആരോപിച്ചു.

അന്വേഷണങ്ങളുടെ സമ്മര്‍ദ്ദം

ആത്മഹത്യ ചെയ്തവരില്‍ ഭൂരിഭാഗം പേരും വകുപ്പുതല അന്വേഷണങ്ങളോ കുറ്റാരോപണങ്ങളോ നേരിടുന്നവരായിരുന്നു. വര്‍ഷങ്ങളോളം നീണ്ടുനില്‍ക്കുന്ന അന്വേഷണങ്ങള്‍ ഉദ്യോഗസ്ഥരെ മാനസികമായി തളര്‍ത്തുകയും അവരെ സഹപ്രവര്‍ത്തകരില്‍ നിന്നും സമൂഹത്തില്‍ നിന്നും ഒറ്റപ്പെടുത്തുകയും ചെയ്യുന്നു. ഈ 'ഏകാന്തത' പലരെയും ആത്മഹത്യയിലേക്ക് നയിക്കുന്നുവെന്ന് ഫെഡറേഷന്‍ വ്യക്തമാക്കി.

സര്‍ക്കാരിനോടുള്ള ആവശ്യങ്ങള്‍

- അന്വേഷണങ്ങള്‍ 12 മാസത്തിനുള്ളില്‍ പൂര്‍ത്തിയാക്കാന്‍ നിയമപരമായ പരിധി ഏര്‍പ്പെടുത്തണം

- ഓരോ ആത്മഹത്യയും കൃത്യമായി രേഖപ്പെടുത്താന്‍ നിയമം കൊണ്ടുവരണം

- പൊലീസ് ആത്മഹത്യകളെ തൊഴിലിടത്തിലെ സുരക്ഷാ നിയമങ്ങളുടെ പരിധിയില്‍ ഉള്‍പ്പെടുത്തണം

- TRiM, STEP പോലുള്ള മാനസിക സമ്മര്‍ദ്ദം കുറയ്ക്കുന്ന പദ്ധതികള്‍ എല്ലാ പൊലീസ് വിഭാഗങ്ങളിലും നിര്‍ബന്ധമാക്കണം

- 'പൊലീസ് കോവനന്റ്' പദ്ധതിക്ക് കൂടുതല്‍ ഫണ്ട് അനുവദിക്കണം

ഈ ആവശ്യങ്ങള്‍ 'കോപ്ഡ് ഇനഫ്' (#CoppedEnough) ക്യാംപെയ്‌നിലൂടെ സര്‍ക്കാര്‍ അടിയന്തരമായി നടപ്പിലാക്കണമെന്ന് ഫെഡറേഷന്‍ ആവശ്യപ്പെട്ടു.

സമ്മര്‍ദ്ദം വര്‍ധിക്കുന്ന സാഹചര്യം

ജീവനക്കാരുടെ കുറവ്, വര്‍ദ്ധിച്ച ജോലിഭാരം, പൊതുജനങ്ങളില്‍ നിന്നുള്ള രൂക്ഷമായ വിമര്‍ശനങ്ങള്‍ എന്നിവയാണ് കഴിഞ്ഞ കുറച്ചു വര്‍ഷങ്ങളായി ബ്രിട്ടനിലെ പൊലീസ് ഉദ്യോഗസ്ഥരുടെ മാനസികാരോഗ്യത്തെ ദോഷകരമായി ബാധിക്കുന്ന പ്രധാന ഘടകങ്ങള്‍