|
ലഷ്കറെ ത്വയ്യിബയുടെ മുതിര്ന്ന കമാന്ഡര് ഖാരി സഈദ് അബ്ദുള് അസീസ് പാകിസ്താന് തലസ്ഥാനമായ ഇസ്ലാമാബാദില് ദുരൂഹ സാഹചര്യത്തില് മരിച്ചു. ഇസ്ലാമാബാദിലെ ഖുബാ മസ്ജിദില് പ്രാര്ത്ഥനയ്ക്കായി എത്തിയ ഇയാള് പള്ളിയുടെ കവാടത്തില് കുഴഞ്ഞുവീണ് മരിക്കുകയായിരുന്നു.
ഭക്ഷണത്തിന് ശേഷം പള്ളിയുടെ കവാടത്തില് എത്തിയ ഉടന് കുഴഞ്ഞുവീഴുകയായിരുന്നു. ഇയാളുടെ മരണ കാരണം സംബന്ധിച്ച് ഇതുവരെ ഔദ്യോഗിക സ്ഥിരീകരണമൊന്നും പുറത്തുവന്നിട്ടില്ല.
ജമ്മു കശ്മീരില് സുരക്ഷാ സേനയുമായുള്ള ഏറ്റുമുട്ടലുകളില് കൊല്ലപ്പെട്ട ഭീകരരുടെ കുടുംബങ്ങള്ക്ക് സാമ്പത്തിക സഹായവും മറ്റ് ആനുകൂല്യങ്ങളും എത്തിച്ചു നല്കുന്ന ലഷ്കറിന്റെ പ്രധാന വിഭാഗത്തിന്റെ ചുമതലക്കാരനായിരുന്നു ഖാരി സയീദ്. 2005-ല് അല് ഖ്വയ്ദ, താലിബാന് ബന്ധങ്ങളെ തുടര്ന്ന് ഐക്യരാഷ്ട്രസഭ ഉപരോധമേര്പ്പെടുത്തിയ സംഘടനയാണ് ലഷ്കറെ തോയ്ബ. |
