|
ലണ്ടന് : ഇരുപത്തഞ്ചുകാരനായ ബംഗ്ലാദേശി തന്നെക്കാള് 22 വയസ് കൂടുതലുള്ള സ്ത്രീയെ വിവാഹം കഴിച്ചു . ബ്രിട്ടനില് സ്ഥിരതാമസത്തിന് അനുമതി സമ്പാദിക്കല് മാത്രമായിരുന്നു ഇതിന്റെ ലക്ഷ്യമെന്ന് അധികൃതര് . വിവാഹം വ്യാജമല്ലെന്നും ഒറിജിനല് തന്നെയെന്നും വധു വ്യക്തമാക്കി .
മുഹമ്മദ് തനീന് എന്ന യുവാവാണ് നാല്പ്പത്തേഴുകാരിയായ മരിയ മാര്ക്കേസിനെ വിവാഹം കഴിച്ചത് . ഇയാളുടെ വിസാ കാലാവധി കഴിയാന് മൂന്നു മാസം മാത്രം ബാക്കിയുള്ളപ്പോഴായിരുന്നു ഇത് . പിന്നീട് തന്റെ സുഹൃത്തുക്കള്ക്ക് വ്യാജ വിവാഹം ഏര്പ്പാടാക്കാന് നാലു വധുക്കളെക്കൂടി ഇയാള് സംഘടിപ്പിച്ചെന്നുമാണ് കേസ് .
തനീന്റെ സുഹൃത്തുക്കള്ക്കു വേണ്ടി പോര്ച്ചുഗീസില്നിന്നാണ് നാലു യുവതികളെ കൊണ്ടുവന്നത്. ഇതില് മരിയയും സഹായിച്ചുവത്രെ. രണ്ടായിരം പൗണ്ട് വീതം നവവധുക്കള്ക്ക് ഫീസും കൊടുത്തെന്നാണ് കണ്ടെത്തിയിരിക്കുന്നത് .
ഈ നാലു വിവാഹങ്ങളും പക്ഷേ നടന്നില്ല . ഇതിലെ വരന്മാര് തനീന്റെ ഉടമസ്ഥതതിയുള്ള സ്ഥലത്തെ പാട്ടക്കാരായിരുന്നുവത്രെ . ഒരാള് ലണ്ടന് സൂവിലെ ജോലിക്കാരനും . നാലു പേരും സ്റ്റുഡന്റ് വിസയിലാണിവിടെ എത്തിയത്. |
