|
2026 ല് 100 സീറ്റോടെ യുഡിഎഫ് അധികാരത്തില് തിരിച്ചെത്തുമെന്നു പ്രതിപക്ഷ നേതാവ് വി.ഡി. സതീശന്. നിലമ്പൂരില് യുഡിഎഫ് കണ്വെന്ഷനില് പങ്കെടുത്ത് സംസാരിക്കുകയായിരുന്നു വി ഡി സതീശന്.
അന്തിമ പോരാട്ടത്തിന് മുഴുവന് പേരും ഒന്നിച്ചു നില്ക്കണമെന്നും പ്രവര്ത്തകരോട് അദ്ദേഹം ആഹ്വാനം ചെയ്തു. ആര്യാടന് മുഹമ്മദ് നിയമസഭയില് എന്റെ ഗുരുനാഥന്. മറ്റാര്ക്കും പറഞ്ഞ് കൊടുക്കാത്ത കാര്യങ്ങളാണെന്നും വി ഡി സതീശന് പറഞ്ഞു.
പാലാരിവട്ടം പാലത്തിന്റെ പേരില് ഇബ്രാഹിം കുഞ്ഞിനെ പ്രതിയാക്കിയവര് ദേശീയ പാത തകര്ന്നപ്പോള് മിണ്ടുന്നില്ല. ആശുപത്രിയില് മരുന്നില്ല. വിതരണക്കാര്ക്ക് പണം നല്കിയില്ല. മാവേലി സ്റ്റോറില് സാധനങ്ങള് ഇല്ല. ആശ വര്ക്കര്മാരുടെ ആനുകൂല്യങ്ങള് നല്കുന്നില്ല.
പാചക തൊഴിലാളികള്ക്ക് ശമ്പളം കൊടുത്തിട്ട് മൂന്ന് മാസമായി. കേരളത്തെ പാപ്പരാക്കിയ സര്ക്കാര് ആണിതെന്നും വി ഡി സതീശന് പറഞ്ഞു. അഴിമതിക്കാരുടെ കൊള്ളക്കാരുടെ സര്ക്കാരാണിത്.ഓന്തിനെ പോലെ നിറം മാറുന്നവരാണ് ഇടതുപക്ഷമെന്നും വി ഡി സതീശന് പറഞ്ഞു. |
