നിലമ്പൂര്‍ ഉപതിരഞ്ഞെടുപ്പില്‍ രാവിലെ 7 മുതല്‍ വൈകിട്ട് 6 വരെയാണ് വോട്ടെടുപ്പ്. കൈപ്പത്തി അടയാളത്തില്‍ ആര്യാടന്‍ ഷൗക്കത്ത് (യുഡിഎഫ്), ചുറ്റികയും അരിവാളും നക്ഷത്രവും ചിഹ്നത്തില്‍ എം സ്വരാജ് (എല്‍ഡിഎഫ്), താമര അടയാളത്തില്‍ മോഹന്‍ ജോര്‍ജ് (എന്‍ഡിഎ) എന്നിവരാണ് പ്രധാന മുന്നണി സ്ഥാനാര്‍ത്ഥികള്‍. കത്രിക അടയാളത്തില്‍ പി വി അന്‍വറും എസ്ഡിപിഐയ്ക്കു വേണ്ടി സാദിഖ് നടുത്തൊടിയും രംഗത്തുണ്ട്. ഇവര്‍ ഉള്‍പ്പെടെ 10 സ്ഥാനാര്‍ത്ഥികളാണ് ഉപതിരഞ്ഞെടുപ്പില്‍ മത്സരിക്കുന്നത്. ഈ മാസം (ജൂണ്‍) 23 നാണ് വോട്ടെണ്ണല്‍.

നിലമ്പൂരില്‍ പോളിങ് 76 ശതമാനം കടക്കുമെന്നാണു റിപ്പോര്‍ട്ട്.
നിലമ്പൂരില്‍ പോളിങ് 76 ശതമാനം കടക്കും എന്ന് സൂചന. കണക്കുകള്‍ ഇങ്ങനെ

രാവിലെ 7 മുതല്‍ 9 വരെ - 13.15 %
11 മണി വരെ - 30.15 %
1 മണി വരെ - 46.73 %
3 മണി വരെ - 59.68 %
5 മണി വരെ - 70.76 %