|
കേരളത്തില്് വരും ദിവസങ്ങളില് ശക്തമായ മഴ തുടരും എന്ന് കേന്ദ്ര കാലാവസ്ഥാ വകുപ്പ്. വടക്ക് പടിഞ്ഞാറന് ബംഗാള് ഉള്ക്കടലിന് മുകളിലായി ന്യൂനമര്ദം രൂപപ്പെട്ടതാണ് മഴ ശക്തമാക്കാനുള്ള കാരണം. മഴ കനക്കുന്ന സാഹചര്യത്തില് വെള്ളി( ജൂണ് 27) 5 ജില്ലകളിലും ഒരു താലൂക്കിലും വിദ്യാഭ്യാസ സ്ഥാപനങ്ങള്ക്ക് അവധി. വയനാട് , തൃശ്ശൂര്, കോട്ടയം, ഇടുക്കി, എറണാകുളം ജില്ലകളിലെയും നിലമ്പൂര് താലൂക്കിലെയും വിദ്യാഭ്യാസ സ്ഥാപനങ്ങള്ക്കാണ് അവധി.
നിലമ്പൂര് താലൂക്കിലെ സ്കൂളുകള്ക്ക് നാളെ (ജൂണ് 27) അവധി
ശക്തമായ മഴ തുടരുന്ന സാഹചര്യത്തില് നിലമ്പൂര് താലൂക്കിലെ ഹയര് സെക്കന്ഡറി ഉള്പ്പെടെ മുഴുവന് സ്കൂളുകള്ക്കും ബഡ്സ് സ്കൂളുകള്ക്കും അങ്കണവാടികള്ക്കും മദ്റസകള്ക്കും നാളെ (ജൂണ് 27 ന്) ജില്ലാ കളക്ടര് വി.ആര് വിനോദ് അവധി പ്രഖ്യാപിച്ചു. പരീക്ഷകള്ക്കും റസിഡന്ഷ്യല് സ്ഥാപനങ്ങള്ക്കും അവധി ബാധകമല്ല. |
