|
വിവിധ ജില്ലകളില് ശക്തമായ മഴ തുടരുന്നു. വിവിധ ജില്ലകളില് റെഡ്, ഓറഞ്ച്, യെല്ലോ അലര്ട്ടുകള് പ്രഖ്യാപിച്ചു. മൂന്ന് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി. കാസര്ഗോഡ്, കണ്ണൂര്, വയനാട് ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് അവധി.
നാളെ ഈ ജില്ലകളില് റെഡ് അലര്ട്ടാണ്. ജില്ലകളിലെ പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്, അങ്കണവാടികള്, ട്യൂഷന് സെന്ററുകള്, മതപഠന ക്ലാസുകള്, സ്പെഷ്യല് ക്ലാസുകള്ക്ക് അവധിയായിരിക്കും. മുന്കൂട്ടി നിശ്ചയിച്ച പരീക്ഷകള്ക്ക് മാറ്റമില്ല. വയനാട് റസിഡന്ഷ്യല് സ്കൂളുകള്ക്കും കോളജുകള്ക്കും അവധി ബാധകമല്ലെന്ന് ജില്ലാ കളക്ടര് അറിയിച്ചു.
അടുത്ത 3 മണിക്കൂറില് കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളില് ഇടത്തരം മഴയ്ക്കും മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. |
