|
എസ് സുജയെ സസ്പെന്ഡ് ചെയ്ത് സ്കൂള് മാനേജരാണ് ഉത്തരവ് ഇറക്കിയത്. പ്രധാന അധ്യാപികയ്ക്ക് ഗുരുതര വീഴ്ചയുണ്ടായെന്ന പൊതുവിദ്യാഭ്യാസ വകുപ്പിന്റെ അന്തിമ റിപ്പോര്ട്ട് വിദ്യാഭ്യാസമന്ത്രിക്ക് കൈമാറിയിരുന്നു.
അപകടത്തില് ഉപവിദ്യഭ്യാസ ഡയറക്ടര്, സ്കൂള് മാനേജ്മെന്റ്, പ്രധാനാധ്യാപിക എന്നിവരുടെ വീഴ്ചകള് അക്കമിട്ട് നിരത്തുന്നതാണ് പൊതുവിദ്യാഭ്യാസ വകുപ്പിന്റെ അന്തിമ റിപ്പോര്ട്ട്. സ്കൂളില് അപകടാവസ്ഥയില് സൈക്കിള് ഷെഡിന് മുകളിലായി വൈദ്യതി കമ്പികള് താഴ്ന്നു നില്ക്കാന് തുടങ്ങിയിട്ട് വര്ഷങ്ങളായി. സ്കൂള് അധികൃതര് പരിഹാരം കാണാന് ആത്മാര്ത്ഥമായി ശ്രമിച്ചില്ല. സ്കൂളില് പരിശോധനയ്ക്ക് പോയ ഉപ വിദ്യാഭ്യാസ ഡയറക്ടര് വീഴ്ച വരുത്തി. അനധികൃത നിര്മ്മാണമായിട്ടും തടയാനോ റിപ്പോര്ട്ട് ചെയ്യാനോ പ്രധാനാധ്യാപികയും ശ്രമിച്ചില്ലെന്ന് റിപ്പോര്ട്ടിലുണ്ട്. |
