|
പൃഥ്വിരാജിന്റെ തേവരയിലെ വീട്ടിലും ദുല്ഖര് സല്മാന്റെ പനമ്പള്ളി നഗറിലെ വീട്ടിലും റെയ്ഡ്. ഭൂട്ടാനില് നിന്നുള്ള ആഡംബര കാറുകള് നികുതി വെട്ടിച്ച് ഇന്ത്യയില് എത്തിയെന്ന ഇന്റലിജന്സ് വിവരത്തിന്റെ അടിസ്ഥാനത്തിലാണ് കസ്റ്റംസ് റെയ്ഡ് നടത്തിയത്. നടന് ദുല്ഖര് സല്മാന്റെ രണ്ട് വാഹനങ്ങള് പിടിച്ചെടുത്തു. പൃഥ്വിരാജിന്റെ തിരുവനന്തപുരത്തെ വീട്ടില് കസ്റ്റംസ് എത്തിയെങ്കിലും വാഹനങ്ങളൊന്നും കാണാത്തതിനാല് മടങ്ങിയിരുന്നു. ചില വ്യവസായികളുടെയും ഇടനിലക്കാരുടെയും വീടുകളിലും ചില വാഹന ഷോറൂമുകളിലും റെയ്ഡ് നടക്കുന്നുണ്ട്.
കോഴിക്കോട്, മലപ്പുറം ജില്ലകളിലെ ഏഴ് ഇടങ്ങളില് നിന്നാണ് 11 വാഹനങ്ങള് കസ്റ്റഡിയില് എടുത്തിരിക്കുന്നത്. പിടിച്ചെടുത്ത വാഹനങ്ങള് കരിപ്പൂര് വിമാനത്താവളത്തിലുള്ള കസ്റ്റംസ് ഓഫീസില് എത്തിക്കുമെന്നാണ് റിപ്പോര്ട്ട്. കസ്റ്റംസിന്റെ ഓപ്പറേഷന് നുംഖോറിന്റെ ഭാഗമായി സംസ്ഥാനത്ത് കോഴിക്കോട്, മലപ്പുറം, എറണാകുളം, തിരുവനന്തപുരം എന്നീ ജില്ലകളിലാണ് പരിശോധന നടത്തിയത്. കോഴിക്കോട്, മലപ്പുറം ജില്ലകളിലായി നാല് ഷോറൂമുകളിലും മൂന്ന് വീടുകളിലുമാണ് കസ്റ്റംസ് ഉദ്യോഗസ്ഥര് പരിശോധന നടത്തിയത്. |
