|
പ്രിന്‍സ് ആന്‍ഡ്രൂ മൗണ്ട്ബാറ്റന്‍-വിന്‍ഡ്‌സറിനു താന്‍ നഗ്ന മസാജ് നല്‍കിയതായി പ്രഫഷണല്‍ മസാജ് തെറാപ്പിസ്റ്റ് മോണിക്ക ജിയാനെല്ലോനിയുടെ വെളിപ്പെടുത്തല്‍. മസാജിന് നല്‍കിയ പ്രതിഫലം 75 പൗണ്ടാണെന്നും, അത് രാജകുടുംബത്തിന്റെ കൗട്ട്സ് ബാങ്ക് അക്കൗണ്ടില്‍ നിന്നുള്ള ചെക്കിലൂടെ നല്‍കിയതാണെന്നും അവള്‍ ആരോപിച്ചു. ബക്കിങ്ഹാം കൊട്ടാരത്തിലെ കിടപ്പുമുറിയില്‍ വച്ചാണ് സേവനം നല്‍കിയതെന്നാണ് മോണിക്ക പറയുന്നത്. അന്നത്തെ ആന്‍ഡ്രൂവിന്റെ പേഴ്സണല്‍ അസിസ്റ്റന്റ് ഷാര്‍ലറ്റ് മാന്‍ലി ഒപ്പിട്ട ചെക്കാണ് ഉപയോഗിച്ചതെന്ന് മോണിക്ക് കൂട്ടിച്ചേര്‍ത്തു.
മോണിക്കിന്റെ വെളിപ്പെടുത്തലനുസരിച്ച്, ഗിസ്ലൈന്‍ മാക്‌സ്വെല്ലിന്റെ നിര്‍ദേശപ്രകാരം അവള്‍ കൊട്ടാരത്തിലേക്ക് പോയതും, സുരക്ഷാ പരിശോധനകളില്ലാതെ പ്രവേശനം സാധ്യമായതുമാണ്. ആന്‍ഡ്രൂവിന്റെ മുറിയിലെത്തിയപ്പോള്‍ ബാത്ത്റൂമില്‍ നിന്ന് ടവല്‍ ധരിച്ച് അദ്ദേഹം പുറത്തുവന്നുവെന്നും, പിന്നീട് ടവല്‍ മാറ്റിയെന്നും അവള്‍ പറഞ്ഞു. നഗ്നനായിരുന്നു എന്നത് ഒഴിച്ചാല്‍, പെരുമാറ്റത്തില്‍ ആന്‍ഡ്രൂ മാന്യനായിരുന്നു എന്നും മോണിക്ക് വ്യക്തമാക്കി. |
