Subscribe : | Download Font | | RSS | | Get News In Email |
 
  1 POUND=0 INR  1 EURO=0 INR
ukmalayalampathram.com
Sat 21st Nov 2026
 
 
UK Special
  Add your Comment comment
ബ്രെക്സിറ്റിന് ശേഷം ബന്ധം ശക്തമാക്കാന്‍ യുകെ-ഇയു ധാരണ; യുവാക്കള്‍ക്ക് പുതിയ അവസരങ്ങള്‍
reporter

ബ്രസ്സല്‍സ്: ബ്രെക്സിറ്റിന് ശേഷമുള്ള ബന്ധം മെച്ചപ്പെടുത്താന്‍ ബ്രിട്ടനും യൂറോപ്യന്‍ യൂണിയനും പുതിയ സഹകരണ ധാരണയിലെത്തി. നവംബര്‍ 20ന് ബ്രസ്സല്‍സില്‍ നടന്ന ഉച്ചകോടിയില്‍ ഭക്ഷ്യവ്യാപാരം, കാര്‍ബണ്‍ വിപണികള്‍, യുവാക്കളുടെ പഠന-തൊഴില്‍ അവസരങ്ങള്‍ തുടങ്ങിയ മേഖലകളിലാണ് ധാരണയായത്. ബ്രിട്ടീഷ് പ്രധാനമന്ത്രി ആന്‍ഡി ബേണ്‍ഹാമും യൂറോപ്യന്‍ യൂണിയന്‍ നേതൃത്വവും ചര്‍ച്ചകളില്‍ പങ്കെടുത്തു.

പുതിയ 'യൂത്ത് എക്സ്പീരിയന്‍സ് സ്‌കീം' പ്രകാരം പ്രതിവര്‍ഷം ബ്രിട്ടനില്‍നിന്നും യൂറോപ്യന്‍ യൂണിയനില്‍നിന്നും ഒരുലക്ഷം യുവാക്കള്‍ക്ക് വീതം പരസ്പരം താമസിക്കാനും ജോലി ചെയ്യാനും പഠിക്കാനും അവസരമൊരുങ്ങും. 18 മുതല്‍ 31 വയസ്സുവരെയുള്ളവര്‍ക്ക് പരമാവധി മൂന്നുവര്‍ഷം പദ്ധതിയുടെ ആനുകൂല്യം ലഭിക്കും. യാത്രയ്ക്കും സന്നദ്ധപ്രവര്‍ത്തനങ്ങള്‍ക്കും പദ്ധതി ഉപയോഗിക്കാം.

അതേസമയം, യൂറോപ്യന്‍ യൂണിയന്‍ വിദ്യാര്‍ഥികള്‍ക്ക് ബ്രിട്ടീഷ് സര്‍വകലാശാലകളില്‍ ഈടാക്കുന്ന ഫീസ് സംബന്ധിച്ച് അന്തിമ തീരുമാനമായിട്ടില്ല. ബ്രിട്ടീഷ് വിദ്യാര്‍ഥികള്‍ക്ക് സമാനമായ ഫീസ് അനുവദിക്കണമെന്നാണ് ഇയുവിന്റെ ആവശ്യം. ഇക്കാര്യത്തിലെ ചര്‍ച്ചകള്‍ ആറുമാസത്തേക്ക് നീട്ടിവച്ചിരിക്കുകയാണ്.

ഭക്ഷ്യ-പാനീയ വ്യാപാരത്തിലെ തടസ്സങ്ങള്‍ കുറയ്ക്കുകയും വ്യവസായങ്ങളുടെ ചെലവ് താഴ്ത്തുകയും ചെയ്യുകയാണ് സാമ്പത്തിക സഹകരണത്തിന്റെ പ്രധാന ലക്ഷ്യം. പുതിയ ധാരണകള്‍ ഉപഭോക്താക്കള്‍ക്കും വ്യവസായങ്ങള്‍ക്കും ഗുണകരമാകുമെന്നാണ് ബ്രിട്ടീഷ് സര്‍ക്കാരിന്റെ വിലയിരുത്തല്‍. കുടിയേറ്റവുമായി ബന്ധപ്പെട്ട സഹകരണവും മനുഷ്യക്കടത്ത് സംഘങ്ങള്‍ക്കെതിരായ സംയുക്ത നടപടികളും ശക്തമാക്കാനും തീരുമാനിച്ചിട്ടുണ്ട്.

 
Other News in this category

 
 




 
Close Window