ലണ്ടന്: ഇംഗ്ലണ്ടിലെ എന്എച്ച്എസ് ആശുപത്രികളില് കുട്ടികളും പ്രത്യേക പരിചരണം ആവശ്യമായ രോഗികളും ഇടനാഴികളില് ചികിത്സ നേരിടുന്നതായി ബ്രിട്ടീഷ് മെഡിക്കല് ജേണലിന്റെ റിപ്പോര്ട്ട്. വിവരങ്ങള് നല്കിയ 73 ആശുപത്രി ട്രസ്റ്റുകളില് 41 എണ്ണം, അഥവാ 56 ശതമാനം, ഉയര്ന്ന ആരോഗ്യസാധ്യതയുള്ള വിഭാഗങ്ങളെ 2026ല് അത്യാഹിത വിഭാഗങ്ങളുടെ ഇടനാഴികളില് പരിചരിച്ചതായി സമ്മതിച്ചു. ഇത്തരം രോഗികള്ക്ക് ഇടനാഴി പരിചരണം ഒഴിവാക്കണമെന്ന എന്എച്ച്എസ് ഇംഗ്ലണ്ടിന്റെ നിര്ദേശത്തിന് വിരുദ്ധമാണിത്.
കുട്ടികള്, മാനസികാരോഗ്യ പ്രശ്നങ്ങള് നേരിടുന്നവര്, ശാരീരിക-പഠന വൈകല്യങ്ങളുള്ളവര് തുടങ്ങിയവരാണ് ഇത്തരത്തില് ചികിത്സിക്കപ്പെട്ടത്. കുട്ടികളെ ഇടനാഴികളില് പരിചരിച്ചതായി പത്ത് ട്രസ്റ്റുകള് അറിയിച്ചു. ഇതില് ഒരു ട്രസ്റ്റ് 15 വയസ്സോ അതില് താഴെയോ പ്രായമുള്ള കുട്ടികള്ക്കും ഇത്തരത്തില് പരിചരണം നല്കിയതായി വ്യക്തമാക്കി.
കുട്ടികളുടെ ആരോഗ്യനില പെട്ടെന്ന് വഷളാകുന്നത് സമയബന്ധിതമായി തിരിച്ചറിയാനാകാതെ പോകാനുള്ള സാധ്യതയിലാണ് വിദഗ്ധരുടെ ആശങ്ക. രോഗികളുടെ സുരക്ഷയും സ്വകാര്യതയും ഉറപ്പാക്കുന്നതിലും ഇടനാഴി പരിചരണം വെല്ലുവിളിയാകുന്നു. കുട്ടികള്ക്കുള്ള ഇടനാഴി പരിചരണം അവസാനിപ്പിക്കുമെന്നും ഇതുസംബന്ധിച്ച കണക്കുകള് ശേഖരിക്കുമെന്നും ആരോഗ്യ സെക്രട്ടറി ഇവറ്റ് കൂപ്പര് കഴിഞ്ഞ മാസം അറിയിച്ചിരുന്നു.
ഒക്ടോബറില് ഇംഗ്ലണ്ടിലെ അത്യാഹിത വിഭാഗങ്ങളില് ദിവസേന ശരാശരി 2,718 ഇടനാഴി പരിചരണ സംഭവങ്ങളാണ് രേഖപ്പെടുത്തിയത്. സെപ്റ്റംബറില് ഇത് 2,549 ആയിരുന്നു. ആശുപത്രികളിലെ കിടക്കകളുടെ കുറവും ഡിസ്ചാര്ജ് വൈകുന്നതും ഉയര്ന്ന ചികിത്സാവശ്യവുമാണ് പ്രതിസന്ധിയുടെ പ്രധാന കാരണങ്ങളായി ചൂണ്ടിക്കാട്ടുന്നത്. bma.org.uk
ശൈത്യകാലത്ത് ആശുപത്രികളിലെ തിരക്ക് വര്ധിക്കുമ്പോള് സ്ഥിതി കൂടുതല് വഷളാകുമെന്നാണ് ആശങ്ക. ഇടനാഴി പരിചരണം അംഗീകരിക്കാനാകില്ലെന്നും പ്രതിസന്ധി രൂക്ഷമായ ആശുപത്രികള്ക്ക് സഹായം നല്കിവരികയാണെന്നും എന്എച്ച്എസ് പ്രതികരിച്ചു