ലണ്ടന്: യുകെയിലേക്കുള്ള യാത്ര ഇനി മുതല് കൂടുതല് ക്രമബദ്ധവും സുരക്ഷിതവുമാകുന്നു. ഇന്ത്യന് സന്ദര്ശകര്ക്കുള്പ്പെടെ എല്ലാവര്ക്കും ഇ-വീസ നിര്ബന്ധമാക്കി.
വീസ സ്റ്റിക്കറുകള്ക്ക് വിട
പാസ്പോര്ട്ടിലെ പഴയ വീസ സ്റ്റിക്കറുകള്ക്കു പകരം ഇലക്ട്രോണിക് വീസയാണ് ഇപ്പോള് ലഭ്യമാകുന്നത്. കടലാസ് വീസ സ്വീകരിക്കുന്നത് ഇന്നലെയോടെ അവസാനിച്ചു. ഇ-വീസ ഇല്ലാത്തവര്ക്ക് വിമാനത്തില് കയറാന് അനുവാദമില്ല.
അപേക്ഷാ നടപടിക്രമം
- ഇ-വീസയ്ക്കായി അപേക്ഷിച്ചാലും ബയോമെട്രിക് രജിസ്ട്രേഷന് നടത്താന് അപേക്ഷാകേന്ദ്രം സന്ദര്ശിക്കണം.
- മറ്റു നടപടിക്രമങ്ങള് ലളിതമാക്കിയിട്ടുണ്ട്.
- പാസ്പോര്ട്ട് അന്നു തന്നെ തിരികെ ലഭിക്കും.
- വീസ നടപടിക്രമങ്ങള്ക്ക് ഏകദേശം 15 ദിവസം വേണ്ടിവരും.
- അപേക്ഷ അംഗീകരിച്ചാല് ഇമെയില് വഴി അറിയിപ്പ് ലഭിക്കും.
- തുടര്ന്ന് UK Visas and Immigration (UKVI) അക്കൗണ്ട് ഉണ്ടാക്കി, അതിലൂടെ ഇ-വീസ ഡൗണ്ലോഡ് ചെയ്യണം.
സുരക്ഷയും സൗകര്യവും
ഇ-വീസ നഷ്ടപ്പെടുകയോ മോഷ്ടിക്കപ്പെടുകയോ ചെയ്യില്ല. തിരിമറി സാധ്യത ഇല്ലാത്തതിനാല് യാത്ര കൂടുതല് സുരക്ഷിതമാകുമെന്ന് കുടിയേറ്റ, പൗരത്വ മന്ത്രി മൈക്ക് ടാപ് വ്യക്തമാക്കി.
പ്രത്യേക വ്യവസ്ഥ
വീസ രഹിത യാത്ര അനുവദിച്ചിട്ടുള്ള രാജ്യങ്ങളില് നിന്നുള്ളവര്ക്ക് ഇലക്ട്രോണിക് ട്രാവല് ഓതറൈസേഷന് (ETA) ഉണ്ടായിരിക്കണം
