നോര്‍ത്ത് യോര്‍ക്ക്ഷയര്‍: വിനോദസഞ്ചാര കേന്ദ്രങ്ങളിലെ ക്യാമ്പര്‍വാനുകളുടെയും മോട്ടോര്‍ഹോമുകളുടെയും രാത്രി പാര്‍ക്കിംഗ് നിരോധനം സ്ഥിരമാക്കാന്‍ കൗണ്‍സില്‍ തയ്യാറെടുക്കുന്നു. ഇതുസംബന്ധിച്ച ഉത്തരവ് അംഗീകരിക്കാന്‍ കൗണ്‍സിലര്‍മാര്‍ ഉടന്‍ യോഗം ചേരും. പാര്‍ക്കിംഗ് സ്ഥലത്തിന്റെ അഭാവം, സുരക്ഷാ പ്രശ്‌നങ്ങള്‍, കുഴപ്പങ്ങള്‍ വര്‍ദ്ധിക്കുന്നത് എന്നിവയെക്കുറിച്ചുള്ള പരാതികള്‍ ഉയര്‍ന്നതിനെത്തുടര്‍ന്ന് നിയന്ത്രണം ഏര്‍പ്പെടുത്തിയിരുന്നു. എന്നാല്‍, വാന്‍ ഉടമകളും നാട്ടുകാരും തമ്മില്‍ ഇതിനെച്ചൊല്ലി ഭിന്നത തുടരുകയാണ്.
സ്‌കാര്‍ബറോയിലെ റോയല്‍ ആല്‍ബര്‍ട്ട് ഡ്രൈവില്‍, മഴയും ശക്തമായ കാറ്റും വീശിയ ഒരു ഉച്ചതിരിഞ്ഞ്, നിരവധി വാനുകള്‍ പാര്‍ക്ക് ചെയ്തിരുന്നു. തന്റെ മോട്ടോര്‍ഹോമിന് പുറത്ത് നായയോടൊപ്പം ഇരുന്ന 58 കാരനായ റിച്ചാര്‍ഡ് ലങ്കാസ്റ്റര്‍ പറഞ്ഞു: ''എല്ലാവരുടെയും പെരുമാറ്റത്തിന് വാന്‍ ഉടമകള്‍ക്ക് അപകീര്‍ത്തി വരുന്നു. വിനോദസഞ്ചാരികള്‍ കാറുകളില്‍ എത്തി ബാര്‍ബിക്യൂ നടത്തുന്നു, കൂടാരം പണിയുന്നു, മാലിന്യം എല്ലായിടത്തും നിക്ഷേപിക്കുന്നു. പ്രദേശം അതിശയിപ്പിക്കുന്നതാണ്, പക്ഷേ ആളുകള്‍ ദുരുപയോഗം ചെയ്യുന്നു. അതിന്റെ കുറ്റം ഞങ്ങള്‍ക്കാണ് വരുന്നത്.'
