ലണ്ടന്‍ ന്മ ജോലിക്കായും പഠനത്തിനായും ഇന്ത്യയില്‍ നിന്ന് കുടിയേറുന്നവരുടെ എണ്ണം ദിനംപ്രതി വര്‍ധിച്ചുകൊണ്ടിരിക്കുകയാണ്. ''ലണ്ടന്‍ മിനി ഇന്ത്യ'' എന്ന വിശേഷണം പലരും തമാശയായി പറയുന്നുണ്ടെങ്കിലും, യഥാര്‍ത്ഥ ജീവിതം പുറമേ കാണുന്ന പളപളപ്പല്ലെന്ന് ഇന്ത്യന്‍ ദമ്പതികള്‍ വെളിപ്പെടുത്തി.
ഇന്‍സ്റ്റാഗ്രാമില്‍ പങ്കുവെച്ച വീഡിയോയിലൂടെയാണ് സെബാ സെയ്ഫിയും ഭര്‍ത്താവും അവരുടെ അനുഭവം പങ്കുവെച്ചത്. 2025 ജൂലായിലാണ് ഇവര്‍ യുകെയിലേക്ക് കുടിയേറിയത്. ''യുകെയിലെ റീല്‍ ലൈഫും റിയല്‍ ലൈഫും തമ്മിലുള്ള വ്യത്യാസം'' എന്ന തലക്കെട്ടോടെയാണ് വീഡിയോ പോസ്റ്റ് ചെയ്തത്.
ദമ്പതികളുടെ അനുഭവം
യുവതി പകല്‍ ഷിഫ്റ്റ് ജോലിക്കായി പോകുമ്പോള്‍, ഭര്‍ത്താവ് രാത്രി ഷിഫ്റ്റ് കഴിഞ്ഞ് തിരികെ വരുന്നു.
റെയില്‍വേ സ്റ്റേഷനിലാണ് ഇരുവരും കണ്ടുമുട്ടുന്നത്.
ഒരുമിച്ച് വീട്ടില്‍ ഇരുന്ന് പത്ത് മിനിറ്റ് പോലും സംസാരിക്കാന്‍ കഴിയാത്ത അവസ്ഥ.
വ്യക്തിപരമായ സമയം നഷ്ടപ്പെടുന്നതായി ഇരുവരും പറയുന്നു.
പ്രതികരണങ്ങള്‍
വീഡിയോയ്ക്ക് നിരവധി കമന്റുകളാണ് ലഭിച്ചത്.
''ഉടന്‍ തന്നെ ജോലി മാറൂ'' എന്ന ഉപദേശം ഭൂരിഭാഗം പേരും നല്‍കി.
''കഠിനാധ്വാനം ചെയ്താല്‍ പ്രതിഫലം ലഭിക്കും'' എന്ന പ്രോത്സാഹന കമന്റുകളും ഉണ്ടായിരുന്നു.
''ഇന്ത്യയിലേക്ക് തിരികെവന്ന് സമാധാനമായി ജീവിക്കൂ'' എന്ന നിര്‍ദേശവും ചിലര്‍ പങ്കുവെച്ചു.
