ലണ്ടന്‍ ലണ്ടനില്‍ ഒരു ഗുരുവായൂരപ്പ ക്ഷേത്രം എന്ന സാക്ഷാത്കാരത്തിമായി പ്രവര്‍ത്തിച്ച് കൊണ്ടിരിക്കുന്ന, മോഹന്‍ജി ഫൗണ്ടേഷനും, ലണ്ടന്‍ ശ്രീ ഗുരുവായൂരപ്പ സേവാ സംഘവും സംയുക്തമായി ഗുരുപൂര്‍ണിമ ആഘോഷങ്ങള്‍ സംഘടിപ്പിച്ചു. ജൂണ്‍ 27 ശനിയാഴ്ച വൈകുന്നേരം 6:00 മണി മുതല്‍ തോണ്ടന്‍ ഹീത്തിലുള്ള വെസ്റ്റ് തോണ്ടന്‍ കമ്മ്യൂണിറ്റി സെന്ററില്‍ വച്ചാണ് ചടങ്ങുകള്‍ നടത്തപ്പെട്ടത്. അന്നേ ദിവസം വൈകിട്ട് 6:00 മണി മുതല്‍ ഗുരുവായൂര്‍ വാസുദേവന്‍ തിരുമേനിയുടെ കാര്‍മികത്വത്തില്‍ നടന്ന വിഷ്ണുപൂജ,ഗുരുപാദവന്ദനം, നാമ സങ്കീര്‍ത്തനം, ദീപാരാധനയും ഭക്തി സാന്ദ്രമായി. പൂജകള്‍ക്ക് ശേഷം അന്നദാനവും നടത്തപ്പെട്ടു. ഗുരുപൂര്‍ണ്ണിമ ആഘോഷങ്ങളില്‍ പങ്കെടുത്ത എല്ലാവര്‍ക്കും ലണ്ടന്‍ ഗുരുവായൂരപ്പ സേവാ സമിതി നന്ദി അറിയിച്ചു.