മലയാളം, തമിഴ്, ഹിന്ദി ഭക്തി ഗാനങ്ങള്‍ കോര്‍ത്തിണക്കി കൊണ്ട് വൈകിട്ട് നാലു മണി മുതല്‍ എട്ടു മണിവരെ നീണ്ടു നില്‍ക്കുന്ന ഈ സംഗീതാര്‍ച്ചനയില്‍ യുകെയിലെ പ്രശസ്തരായ ഗായകര്‍ക്കൊപ്പം കീബോര്‍ഡിസ്റ്റ് മുകേഷ് കണ്ണന്‍, തബലിസ്റ്റ് സന്ദീപ്, വയലിനിസ്റ്റ് അക്ഷ കുമാര്‍ എന്നിവര്‍ നയിക്കുന്ന ഓര്‍ക്കസ്ട്രയും ചേരും. ഈ ഭക്തിഗാന സുധ ആസ്വദിക്കുന്നതിനായി യുകെയിലെ എല്ലാ അയ്യപ്പ ഭക്തരെയും ബാലാജി ക്ഷേത്രാങ്കണത്തിലേക്ക് ക്ഷണിക്കുന്നതായി സംഘാടകര്‍ അറിയിച്ചു.
