|
കേരളത്തിലെ ഇസ്ലാം മതവിശ്വാസികള് സെപ്റ്റംബര് ഒന്നിന് ബലിപെരുനാള് ആഘോഷിക്കും. കാപ്പാട് കടപ്പുറത്ത് മാസപ്പിറവി കണ്ടതായി കോഴിക്കോട് മുഖ്യഖാസി കെ.വി. ഇമ്പിച്ചമ്മദ്, വലിയഖാസി സയിദ് മുഹമ്മദ് കോയ തങ്ങള്, പാണക്കാട് ഹൈദരലി ശിഹാബ് തങ്ങള് എന്നിവര് അറിയിച്ചതോടെയാണിത്.
ശാന്തിയും സമാധാനവും യഥാര്ഥ ഭക്തിയുമാണ് ഈദുല് അസ്ഹാ അഥവാ ബലിപെരുനാളിന്റെ സന്ദേശം. ഇസ്ലാം മതവിശ്വാസികളെ സംബന്ധിച്ചിടത്തോളം ആദര്ശ പിതാവായ ഹസ്രത്ത് ഇബ്രാഹിം നബിയുടെ ജീവിതത്തിന്റെ ഓര്മപ്പെടുത്തലാണ് ഈ ദിനം. മാത്രമല്ല, ഇബ്രാഹിം പ്രവാചകന്റെ ഉജ്വലമായ ജീവിതത്തെക്കുറിച്ചു ചിന്തിക്കാനും ത്യാഗത്തിലൂടെ വിജയമെന്ന പാഠം ഓര്മിക്കാനും ബലിപെരുന്നാള് അവസരം നല്കുന്നു. |
