ലണ്ടനിലെ മരിയന്‍ തീര്‍ഥാടന കേന്ദ്രമായ വാല്‍താംസ്റ്റോയിലെ ഔവര്‍ ലേഡി ആന്‍ഡ് സെന്റ് ജോര്‍ജ് പള്ളിയില്‍ ജനുവരി 31ാം തീയതി ബുധനാഴ്ച മരിയന്‍ ദിന ശുശ്രൂഷയും അതോടൊപ്പം മരിയന്‍ ദിന ശുശ്രൂഷയുടെ 4ാം വാര്‍ഷികവും ഈ സുവര്‍ണ്ണ അവസരത്തിന്റെ സ്മരണികയായ സുവനീറിന്റെ പ്രകാശനവും ഉണ്ടായിരിക്കും.


സീറോ മലബാര്‍ സഭ ഗ്രേറ്റ് ബ്രിട്ടന്‍ രൂപതയുടെ മെത്രാന്‍ മാര്‍ ജോസഫ് സ്രാമ്പിക്കല്‍ തിരുക്കര്‍മ്മങ്ങള്‍ക്ക് മുഖ്യകാര്‍മ്മികത്വം വഹിക്കുന്നതാണ്.


തിരുക്കര്‍മ്മങ്ങളൂടെ വിശദവിവരം താഴെ ചേര്‍ക്കുന്നു.

വൈകിട്ട് 5:30ന് കുമ്പസാരം, ജപമാല, 6.15ന് പിതാവിന് സ്വീകരണം , 6.30 ന് ആഘോഷമായ വി.കുര്‍ബ്ബാന, വചന സന്ദേശം, തുടര്‍ന്നു നിത്യ സഹായ മാതാവിന്റെ നൊവേന പ്രാര്‍ത്ഥന, എണ്ണ നേര്‍ച്ച, പരി.പരമ ദിവ്യകാരുണ്യആരാധന.



പള്ളിയുടെ വിലാസം:

Our Lady and St.George Church,132 Shernhall tSreet, Walthamstow, E17. 9HU

കഴിഞ്ഞ 4 വര്‍ഷക്കാലം പരിശുദ്ധ അമ്മയുടെ മാധ്യസ്ഥം വഴി ഈശോയില്‍ നിന്നും ലഭിച്ച നിരവധിയായ അനുഗ്രഹങ്ങള്‍ക്ക് നന്ദി അര്‍പ്പിച്ചു കൊണ്ടുള്ള കൃതജ്ഞതാബലിയിലേക്കും ശുശ്രൂഷകളിലേക്കും ഏവരെയും സ്വാഗതം ചെയ്യുന്നതായി സീറോ മലബാര്‍ സഭ ബ്രന്‍ഡ് വുഡ് രൂപത ചാപ്‌ളിന്‍ ഫാ.ജോസ് അന്ത്യാംകുളം അറിയിച്ചു.