കേംബ്രിഡ്ജ് ആസ്ഥാനമായി പ്രവര്‍ത്തിക്കുന്ന എസ്എന്‍ഡിപി യോഗം ശാഖാ നമ്പര്‍ 6196 ന്റെ വിഷു ആഘോഷം ഏപ്രില്‍ 16 ന് നടത്തപെടും. പ്രാര്‍ത്ഥന, വിഷുക്കണി,വിഷു കൈനീട്ടം, വിവിധ കലാസാംസ്‌കാരിക പരിപാടികള്‍, വിഷു സദ്യ, സമ്മേളനം മുതലായവ വിഷു ആഘോഷത്തില്‍ പെടുന്നു.

കോവിഡ് മഹാമാരി മൂലമുണ്ടായ വലിയ ഇടവേളക്കുശേഷം സുഹൃത്തുക്കളും കുടുംബാംഗങ്ങളോടും കൂടി സന്തോഷമായി ഒത്തു കൂടുവാനും ഒപ്പം നമ്മുടെ വിഷു ഓര്‍മ്മകള്‍ പുതിയ തലമുറയ്ക്ക് പരിചയപ്പെടുത്തി കൊടുക്കുവാനും വേണ്ടി എല്ലാവരും സകുടുംബം പങ്കെടുത്തു ഈ ആഘോഷത്തെ മഹാ വിജയമാക്കി തീര്‍ക്കണമെന്ന് ഭാരവാഹികള്‍ അറിയിച്ചു.

ഏഷ്യാനെറ്റ് യൂറോപ്പ് ചെയര്‍മാനും ആനന്ദ് ടിവിയുടെ അമരക്കാരനായ സദാനന്ദന്‍ ശ്രീകുമാര്‍ ഈ വിഷു ആഘോഷത്തിന്റെ ഉദ്ഘാടനം നിര്‍വ്വഹിക്കുന്നതായിരിക്കും. കഴിഞ്ഞ 12 വര്‍ഷത്തിലധികമായി യുകെയിലെ വിവിധ സാംസ്‌കാരിക സാമൂഹിക പ്രവര്‍ത്തനങ്ങളിലൂടെ ശ്രീനാരായണഗുരു ദര്‍ശനങ്ങളെ അടുത്ത തലമുറയ്ക്ക് പകര്‍ന്നു കൊടുത്തുകൊണ്ട് മൂല്യബോധമുള്ള ഒരു തലമുറയെ വാര്‍ത്തെടുക്കുവാന്‍ ഉള്ള ദൗത്യത്തില്‍ എസ്എന്‍ഡിപി കേംബ്രിഡ്ജ് മലയാളി സമൂഹത്തില്‍ നിര്‍ണായക പങ്കുവഹിക്കുന്നു.

പുതു തലമുറയ്ക്കായിഗുരുദേവ ദര്‍ശനങ്ങള്‍ പഠിപ്പിക്കുന്നതിനും, പുതുതായി യുകെയില്‍ എത്തുന്നവര്‍ ക്കായി സഹായസഹകരണങ്ങള്‍ എത്തിക്കുന്നതിലും എസ്എന്‍ഡിപി കേംബ്രിഡ്ജ് മുന്‍നിരയില്‍ നല്‍കുന്നു.യുകെയിലെ എല്ലാ സ്ഥലങ്ങളിലെയും ശ്രീനാരായണീരെ കോര്‍ത്തിണക്കി കുടുംബയൂണിറ്റുകളുടെ ഏകോപന ത്തിലൂടെ എസ്എന്‍ഡിപി കേംബ്രിഡ്ജ് മികച്ച നിലയില്‍ പ്രവര്‍ത്തനം കാഴ്ച വയ്ക്കുന്നു

വിലാസം

Papworth Village Hall,

Papworth Everard, Ermine Street South, Cambridge CB23 3RD